Gujarati News

Gujarati News

News of Friday, 14th February 2020

મોરબી પંથકની માનસિક અસ્થિર યુવતિ સાથે દુષ્કર્મ આચરનાર નરાધમ લાભુ ગોહેલ ૧ દિ'ના રિમાન્ડ પર

મોરબી,તા.૧૪: મોરબી નજીકના ગામમાં માનસિક વિકલાંગ યુવતી ઘરે એકલી હોય ત્યારે એકલતાનો લાભ લઇ એક શખ્શ ઘરમાં ઘુસ્યો હતો અને યુવતી સાથે શરીર સંબંધ બાંધી દુષ્કર્મ આચર્યું હોવાની પોલીસ ફરિયાદ બાદ પોલીસે આરોપીને ઝડપી લઈને કોર્ટમાં રજુ કરતા એક દિવસના રિમાન્ડ મંજુર કરવામાં આવ્યા છે.

મોરબી-વાંકાનેર હાઈવે પરના એક ગામમાં ભોગ બનનાર યુવતી અપંગ અને માનસિક વિકલાંગ હોય જે ગત તા. ૦૭ ના રાત્રીના ૧૧ વાગ્યાના સુમારે ઘરે એકલી હોય જે એકલતાનો લાભ લઈને આરોપી લાભૂભાઈ ઈશાભાઈ ગોહેલ રહે મૂળ ગોંડલ અને હાલ મચ્છોયાનગર, રફાળેશ્વર તા. મોરબી ઘરમાં ઘુસી ગયો હતો અને માનસિક વિકલાંગ યુવતીને ઓરડીમાં લઇ જઈને તેની મરજી વિરુદ્ઘ શરીર સંબંધ બાંધી દુષ્કર્મ આચર્યું હતું અને ભોગ બનનારનો ભાઈ ગામમાં ગયો હોય અને પરત ફરતા તેને કઢંગી હાલતમાં જોઈ જતા આરોપી નાસી ગયો હતો જે અંગે ભોગ બનનાર યુવતીના ભાઈની ફરિયાદને પગલે મોરબી તાલુકા પીએસઆઈ ડી વી ડાંગરની ટીમે તપાસ ચલાવી હતી અને ભોગ બનનારના કૌટુંબિક બનેવી જ આરોપી હોય જેને ઝડપી લઈને આજે કોર્ટમાં રજુ કરતા કોર્ટે એક દિવસના પોલીસ રિમાન્ડ મંજુર કર્યા છે.

(1:13 pm IST)
  • જીત્યા જરૂર છીએ પણ ઈવીએમની વિશ્વસનીયતા ઉપર ચોક્કસ સવાલ છે : જે દેશમાંથી ઈવીએમ મશીન આવે છે તે દેશમાં ખુદ બેલેટ પેપરથી મતદાન થાય છે : ભાજપએ ચૂંટણીના અંતિમ દિવસ સુધી લોકોને ગંગાજળના કસમ ખવડાવી હિન્દુત્વની રાજનીતિ અપનાવી હતી : આમ આદમી પાર્ટીના ધારાસભ્ય સૌરભ ભારદ્વાજ access_time 7:46 pm IST

  • વડાપ્રધાન વારાણસી આવવાના હોવાથી સફાઈ કરી રહેલા કર્મચારીને કારે ટક્કર મારી : સ્થળ ઉપર જ મોત : કાર ચાલક રફુચક્કર : રસ્તા ચક્કાજામ : 16 ફેબ્રુઆરીના રોજ વડાપ્રધાનના આગમન પહેલા કરૂણ બનાવ : સફાઈ કર્મચારીઓએ મૃતદેહ સ્વીકારવાનો ઇન્કાર કર્યો : મૃતકના પરિવાર માટે વળતર માગ્યું : આરોપીને સજા કરાવવા માંગણી કરી access_time 7:28 pm IST

  • ગાંધી આશ્રમથી ગાંધીનગર સુધી પદયાત્રાઃ ભાજપ નેતા અલ્પેશ ઠાકોરની સરકારને ચીમકી : આશ્વાસન છતાં ૩ દિવસ વિત્યાઃ નિર્ણય નહિ લેવાય તો પદયાત્રા કરીશઃ ભાજપ નેતા અલ્પેશ ઠાકોરની સરકારને ચીમકીઃ સરકાર સામે ભાજપ નેતાએ બાયો ચઢાવીઃ ૪૮ કલાકમાં LRD પરિપત્ર રદ કરો. access_time 1:02 pm IST