Gujarati News

Gujarati News

News of Wednesday, 13th January 2021

જોડિયાની સ્કૂલમાં વિદ્યાર્થિનીનો કોરોના રિપોર્ટ પોઝિટિવ :શિક્ષણ કાર્ય બંધ કરવાના આદેશ

વિદ્યાર્થીની મ્પસ હોવાથી શિક્ષણ કાર્ય એક અઠવાડિયા માટે બંધ રાખવામાં આવશે

જામનગરના જોડિયામાં વિદ્યાર્થિનીનો કોરોના રિપોર્ટ પોઝિટિવ આવ્યો છે. રાજ્યમાં સોમવારથી 11 મહિના બાદ સ્કૂલમાં શિક્ષણ કાર્ય શરૂ કરવામાં આવ્યુ છે. કોરોના મહામારીને કારણે ઓનલાઇન ક્લાસ શરૂ હતા. શિક્ષણાધિકારીએ શિક્ષણ કાર્ય બંધ કરવાના આદેશ આપ્યા છે.

જોડિયાની હુન્નર શાળા હોસ્ટેલમાં પ્રવેશ કાર્યવાહી દરમિયાન ધોરણ 12ની વિદ્યાર્થિનીનો કોરોના રિપોર્ટ પોઝિટિવ આવ્યો હતો. શૈક્ષણિક કાર્ય શરૂ થયા બાદ વિદ્યાર્થિનીને કોરોના થતા તંત્ર દોડતુ થયુ છે. શિક્ષણ અધિકારીએ વિદ્યાર્થિનીનો કોરોના રિપોર્ટ પોઝિટિવ આવતા શિક્ષણ કાર્ય બંધ કરવાના આદેશ આપ્યા હતા.

શાળા શરૂ થયા બાદ ધોરણ 12ની વિદ્યાર્થિનીનો કોરોના રિપોર્ટ પોઝિટિવ આવતા વાલીઓ ચિંતામાં મુકાયા છે. જામનગરના ડીઇઓના જણાવ્યા અનુસાર બાળકી શાળાએ ગઇ નથી છતા એક જ કેમ્પસ હોવાથી શિક્ષણ કાર્ય એક અઠવાડિયા માટે બંધ રાખવામાં આવ્યુ છે.

 સોમવારથી કોરોનાની મહામારી બાદ રાજ્યમાં ધોરણ 10 અને 12 સાથે પોસ્ટ ગ્રેજ્યુએટ અને અંડર ગ્રેજ્યુએટના અંતિમ વર્ષમાં શિક્ષણ શરૂ થશે. રાજ્યમાં તમામ જિલ્લામાં શિક્ષણ કાર્ય શરૂ થયુ છે.
શિક્ષણ કાર્ય શરૂ થયા પહેલા જ અલગ અલગ સ્કૂલ અને કોલેજમાં સાવચેતીના પગલે સાફ સફાઇની સાથે સેનેટાઇઝેશનની પ્રક્રિયા હાથ ધરવામાં આવી હતી. વિદ્યાર્થીઓને કોરોનાના સંક્રમણથી દુર રાખવા માટે શાળા અને કોલેજમાં સેનેટાઈઝર, માસ્ક સહિત વ્યવસ્થા ઉભી કરવામાં આવી છે.

(10:06 pm IST)
  • બર્ડ ફ્લુમાં કચ્છને મળી રાહત : જિલ્લામાંથી કુલ ૩ સેમ્પલ ભોપાલ લેબોરેટરીમાં મોકલાયા હતા તમામ રિપોર્ટ આવ્યા નેગેટિવ જિલ્લા પશુપાલન વિભાગ દ્વારા અપાઈ માહિતી access_time 4:39 pm IST

  • આગામી શુક્રવાર તા, 15ના રોજ કૌન બનેગા કરોડપતિ કાર્યક્રમમાં કેબીસી કર્મવીર તરીકે કચ્છના હસ્તકલાકાર પાબીબહેન રબારી આવવાના છે,તેઓ પાબીબહેન પર્સવાળા તરીકે પણ જાણીતા છે,કચ્છનું ગૌરવ રાષ્ટ્રીય ફલક પર ઝળકશે access_time 12:52 am IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST