Gujarati News

Gujarati News

News of Wednesday, 13th January 2021

ભાવનગરમાં ૫૦૦ અને ૨૦૦ની નકલી નોટ ઝડપાઇ

૬૩,૩૦૦નાં મુદ્દામાલ સાથે સલમાન મેમણની ધરપકડ

(મેઘના વિપુલ હિરાણી દ્વારા) ભાવનગર તા.૧૩:  ભાવનગર રેન્‍જના નાયબ પોલીસ મહાનિરીક્ષકશ્રીની સુચના અને માર્ગદર્શન હેઠળ આર.આર.સેલ ના પોલીસ સબ ઇન્‍સ્‍પેકટર આર.એચ.બાર તથા સ્‍ટાફે સફળ ઓપરેશન કરી રૂપિયા ૬૩,૩૦૦/- ની ૫૦૦ તથા ૨૦૦ ના દરની ભારતીય ચલણી બનાવટી નોટો સાથે ભાવનગર, હલુરીયા ચોકમાંથી એક ઇસમને ઝડપી પાડેલ છે.

આ બનાવની વિગત એવી છે કે ભાવનગર આર.આર.સેલના સ્‍ટાફના માણસોને મળેલ બાતમી આધારે આર.આર.સેલ તથા પેરોલ ફર્લો સ્‍કોર્ડના અધિકારી તથા સ્‍ટાફે સફળ ઓપરેશન કરેલે જેમા પોલીસને ચોક્કસ બાતમી મળી હતી કે, આરોપી સલમાન સલીમભાઇ પીરાણી રહેવાસી-જોગીવાડની ટાંકી, રૂવાપરી રોડ મેમણ જમાતખાના ભાવનગર વાળો હલુરીયા ચોક ખાતે ડુપ્‍લીકેટ નોટો વટાવવા આવેલ છે. જે બાતમી આધારે આરોપી સલમાનભાઇ સલીમભાઇ પીરાણી/મેમણ ઉ.વ.૨૮, ધંધો-કમ્‍પાઉન્‍ડર રહેવાસી-જોગીવાડની ટાંકી, રૂવાપરી રોડ મેમણ જમાતખાનામાં ભાવનગર વાળાને ઝડપી પાડેલ આરોપી પાસેથી બનાવટી ભારતીય ચલણી નોટો રૂપિયા ૬૩,૩૦૦/- ની ઝડપી પાડેલ જેમા રૂપિયા ૫૦૦ ના દરની નોટ નંગ-૭૩ તથા રૂપિયા ૨૦૦ ના દરની નોટ નંગ-૧૩૪ છે. તેમજ આરોપી પાસેથી મોબાઇલ ફોન તથા રોકડ રૂપિયા સહિત ૫૬૦૦/- નો મુદ્દામાલ મળી આવેલ જેના વિરૂધ્‍ધમાં કાયદેસર કાર્યવાહી કરી ગંગાજળીયા પોલીસ સ્‍ટેશનમાં આ બાબતે હેડકોન્‍સ. યોગેન્‍દ્રસિંહ ગોહીલ નાઓએ ગુન્‍હો રજીસ્‍ટર કરાવેલ હતો.

આ સમગ્ર કાર્યવાહી દરમ્‍યાન એફ.એસ.એલ. અધિકારીશ્રી આર.સી.પંડયા દ્રારા નોટોનુ પરીક્ષણ કરી ઉત્‍ક્રુષ્ટ માર્ગદર્શન પુરૂ પાડેલ હતુ.

આમ ભાવનગર આર.આર.સેલ તથા પેરોલ ફર્લો સ્‍કોર્ડએ સફળ ઓપરેશન કરી ભારતીય અર્થતંત્રને નુકશાન પહોચાડી ખોખલુ કરવાનો બદઇરાદો રાખનાર ઇસમને બનાવટી નોટો સાથે ઝડપી પાડેલ છે.

આ સમગ્ર કામગીરીને સફળ બનાવવામાં આર.આર.સેલના પોલીસ સબ ઇન્‍સ્‍પેકટર આર.એચ.બાર તથા સ્‍ટાફના માણસો એ.એસ.આઇ. પ્રદીપસિંહ સરવૈયા તથા હેડ કોન્‍સ. યોગેન્‍દ્રસિંહ ગોહિલ તથા જીતેન્‍દ્રસિંહ જાડેજા તથા અર્જુનસિંહ ગોહીલ તથા પોલીસ કોન્‍સ. સોહિલભાઇ ચોકીયા તથા જગદેવસિંહ ઝાલા તથા નિતિનભાઇ ખટાણા તથા ડ્રાઇવર ગોપીદાન ગઢવી જોડાયા હતા.

(11:23 am IST)
  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST

  • વર્લ્ડ હેલ્થ ઓર્ગેનાઈઝેશન ( WHO ) એ એક જ મહિનામાં સતત ત્રીજી વખત ભારતનો ખોટો નકશો દેખાડ્યો : જમ્મુ ,કાશ્મીર ,તથા લડાખને અલગ બતાવ્યા : ભારત સરકારે ત્રીજી વખત ચેતવણી આપી : ખોટો નકશો પ્રદર્શિત કરવો તે બાબત ગેરકાનૂની તથા જેલ સજાને પાત્ર access_time 2:02 pm IST

  • સાબરકાંઠામાં પ્રતિબંધિત ચાઇનીઝ દોરીનું કમઠાણ, ઇડરમાં ચાઈનીઝ દોરીથી યુવકનું ગળું કપાયું, યુવકને સારવાર માટે ઇડરની હોસ્પિટલમાં ખસેડાયો access_time 4:37 pm IST