Gujarati News

Gujarati News

News of Friday, 13th July 2018

મેથળા-સરતાનપર (બંદર) બંધારા માટે સરકારમાં મંત્રીઓ, સાંસદ, ધારાસભ્યની યોજાયેલ બેઠક

મીઠા પાણીના સંગ્રહ માટે તાત્કાલીક આયોજન કરી કામ શરૂ કરવા તંત્રને અપાયો આદેશ : આર.સી. મકવાણા

ભાવનગર, તા. ૧૩ : તળાજા તાલુકાના દરિયા કાંઠાના ગામડાઓમાં વધતી જતી ખારાશને રોકવા માટે બંધારાઓ, ચેકડેમો બાંધવા અનિવાર્ય છે. વર્ષોથી આ વિસ્તારના ખેડૂતોની માંગ બાદ આજે ગાંધીનગર ખાતે મેથળા અને સરતાનપર (બંદર) નજીક શેત્રુંજી નદી પર બંધારા બનાવવા માટે ચાર મંત્રીઓ, મહુવા ધારાસભ્ય, સાંસદ અને અધિકારીઓની બેઠક યોજાઇ હતી.

મહુવા વિસ્તારના ધારાસભ્ય આર.સી. મકવાણાએ જણાવ્યું હતું કે, મેથળા અને સરતાનપર (બંદર)ના કાટેલ બારા ખાતે બંધારા બનાવવાના આયોજન માટે ગાંધીનગર ખાતે રાજયના ચાર મંત્રીઓ કુંવરજીભાઇ બાવળીયા, પરબત પટેલ, ભૂપેન્દ્રસિંહ ચુડાસમા, સૌરભ પટેલ તથા સાંસદ ભારતીબેન શિયાળ અને સંબંધીત વિભાગના અધિકારીઓ વચ્ચે યોજાયેલ બેઠકમાં સરતાનપર(બંદર) ખાતે પણ પચાસ કરોડના ખર્ચે ઉડા પાણીને સગ્રહીત કરવાનું આયોજન કરવામાં આવ્યું છે. બંને બંધારાનું કામ બને તેટલુ ઝડપી પુરૂ કરવા માટે આદેશ આપવામાં આવ્યા છે.

મીટીંગમાં મેથળા બંધારા સમિતિના કોઇ સભ્ય હાજર હતા નહીં.

(11:48 am IST)
  • પેથોલોજી લેબના રિપોર્ટમાં M.D.ની સહી અનિવાર્ય : ગુજરાત એસોસિએશન ઓફ પેથોલોજિસ્ટ એન્ડ માઈક્રો બાયોલોજીસ્ટ ના પ્રેસિડેન્ટ ડો. રાજેન્દ્ર લાલાણીની જાહેરાત : ચોક્કસ લાયકાત વાળા ડોકટરો સિવાયની પેથોલીજી લેબોરેટરી બાબતે કોર્ટનો મહત્વનો નિર્ણય : કોર્ટ દ્વારા આવી લેબોરેટરીના સંચાલકોએ કરેલી રીવ્યુ પિટિશન ફગાવી દેવામાં આવી : સુપ્રીમ કોર્ટે આ પૂર્વે 12-12-17ના રોજ ગેરકાયદે પેથોલોજી લેબ બાબતે આપ્યો હતો ઐતિહાસિક ચુકાદો : ચુકાદામાં કોર્ટે કરેલા નિર્દેશ મુજબ પેથોલોજી લેબના રિપોર્ટમાં M.D.ની સહી અનિવાર્ય : લેબ ધારકોની કોર્ટમાં પડકારતી રીવ્યુ પિટિશન ફગાવી દેવાતા એમ ડી પેથોલોજી વિનાની લેબોરેટરી કરવી પડશે બંધ access_time 1:27 am IST

  • અમરેલી-ધારીના ખાડીયા વિસ્તારમાં ઇલેક્ટ્રિક શોકથી 2 બળદના મોત: વાડીએથી બળદગાડું લઈને આવતા ખેડૂતનો આબાદ બચાવ :બન્ને બળદના મોત થતા પી.જી.વી.સી.એલ.તંત્ર થયું દોડતું access_time 10:02 pm IST

  • અમરેલી :રાજુલાના હિંડોરણા ચોકડી પાસે ક્રિષ્ના ટાયર્સના કારખાનામાં ભીષણ આગ ભભૂકી :મુશળધાર વરસાદ વચ્ચે આગ લાગી :કારખાના આસપાસ મચી અફડા તફડી :સ્થાનિક લોકો દ્વારા આગ પર કાબુ મેળવવા પ્રયાસ :શોર્ટ સર્કિટના કારણે આગ લાગી હોવાનુ સ્થાનિક લોકો નું અનુમાન access_time 10:02 pm IST