Gujarati News

Gujarati News

News of Thursday, 13th June 2019

જામનગરના બેડી યાર્ડમાં રાસાયણિક ખાતરની સેંકડો બોરીઓ વરસાદમાં : ગુણવતા નષ્ટ પામવાની ભીતિ

બેડી યાર્ડમાં ખુલ્લામાં પડેલ હજારો બોરીઓ વરસાદમાં તરબતર થઇ ગઈ

 

જામનગરમાં  ધૂવાધાર  વરસાદમાં બેડી યાર્ડમાં ખુલ્લામાં પડેલ હજારો બોરીઓ વરસાદમાં તરબતર થઇ ગઈ છે. સામાન્ય ભેજ લાગે તો પણ રાસાયણિક ખાતરની ગુણવતા નષ્ટ પામે છે. ત્યારે અહી હજારો બોરીઓ પર વરસાદ વરસ્યો છે

 જામનગરના બેડી રેલ્વે યાર્ડ વાટેથી કોલસાથી માંડી રાસાયણિક ખાતરનો જથ્થો બહારના પ્રાંતમાં મોકલવામાં આવે છે. જામનગરની રાસાયણિક ખાતર ઉત્તપન્ન કરતી સરકારની જીએસએફસી કંપની માંથી અહીંથી રાસાયણિક ખાતર રેલ્વે માર્ગે અન્ય સ્થળે પહોચાડવામાં આવે છે. ખરીફ સીજનમાં વહેલી માંગ વચ્ચે અહી થી દરરોજ સેકડો બોરીઓ રેલ્વે વાટેથી અન્ય સ્થળે મોકલવામાં આવે છે.

  સિક્કાની સરકારી કંપનીમાંથી ઉત્પન્ન થયેલ રાસાયણિક ખાતરનો જથ્થો છેલ્લા કેટલાય દિવસથી જામનગરના બેડી રેલ્વે યાર્ડ ખાતે ઠાલવવામાં આવી રહ્યો છે. જેની સામે પરિવહનની ઢીલી વ્યવસ્થા વચ્ચે જથ્થો ખુલ્લામા પડ્યો રહ્યો હતો. બીજી તરફ આજે જામનગરમાં માત્ર પંદર મિનીટના ગાળામાં ધોધમાર વરસાદ પડ્યો, જેમાં ખુલ્લામાં પડેલ સેકડો બોરીઓ પલળી ગયો હતો. સામાન્ય રીતે રાસાયણિક ખાતરને જરા સરખો પણ ભેજ લાગે તો તેની ગુણવતા નષ્ટ પામે છે.

 

(10:07 pm IST)
  • દીવમાં ૯ નંબરનું સિગ્નલ ઉતારી ૮ નંબરનું સિગ્નલ લગાવાયું: ૯ નંબરનું સિગ્નલ વાવાઝોડું આવવાની શકયતા દર્શાવે છેઃ ૮ નંબરનું સિગ્નલ ખુબ જોખમી ચેતવણી આપે છે access_time 3:47 pm IST

  • પોરબંદર જીલ્લામાં સરેરાશ દોઢ ઇંચ વરસાદ : પોરબંદર જીલ્લામાં ર૪ કલાકમાં સરેરાશ દોઢ ઇંચ વરસાદ વરસી ગયો હતો. પોરબંદરમાં ૧૩ મીમી રાણાવાવમાં ૧૯ મીમી. તથા કુતિયાણામાં ૪ મીમી. વરસાદ નોંધાયો છે. access_time 8:56 pm IST

  • ૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશે : હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે. access_time 3:34 pm IST