Gujarati News

Gujarati News

News of Thursday, 13th June 2019

''વાયુ'' વાવાઝોડાનુ સંકટ ટળતા શ્રી સોમનાથ મહાદેવની જીતુભાઇ વાઘાણી-નિતીનભાઇ ભારદ્વાજ દ્વારા મહાપૂજા

વેરાવળઃ ''વાયુ'' વાવાઝોડાનો ખતરો ગુજરાત-સૌરાષ્ટ્ર ઉપરથી ટળતા સૌ કોઇએ રાહતનો શ્વાસ લીધો છે ત્યારે ભાજપ પ્રદેશ પ્રમુખ શ્રીજીતુભાઇ વાઘાણી અને પ્રદેશ ભાજપ અગ્રણી શ્રી નિતીનભાઇ ભારદ્વાજ સહિતનાએ શ્રી સોમનાથ મહાદેવની મહાપૂજા કરી હતી. અને વાયુ વાવાઝોડાનુ સંકટ ટળતા સૌની સુખાકારી માટે પ્રાર્થના કરવામા આવી હતી. જેમાં શ્રી સોમનાથ ટ્રસ્ટના કો.ઓર્ડિનેટર ડો.યશોધરભાઇ ભટ્ટ, જનરલ મેનેજરશ્રી સહિત અધિકારીઓ અને કર્મચારીઓ ઉપસ્થિત રહ્યા હતા જે તસ્વીરમા નજરે પડે છે. (તસ્વીરઃ અહેવાલઃ દિપક કકકડ-વેરાવળ)

(3:39 pm IST)
  • ૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશેઃ હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે access_time 11:37 am IST

  • કેબીનેટ મંત્રી જયેશભાઈ રાદડીયાએ પોરબંદરના દરિયા ચોપાટીની મુલાકાત લઈ અને સ્થળની શું પરિસ્થિતિ છે તેનું નિરીક્ષણ કર્યુ હતું. તેમણે જણાવેલ કે વહીવટી તંત્રના તમામ અધિકારીઓ એલર્ટ છે અને દરિયા નજીકના વિસ્તારમાં ન જવા અપીલ કરી હતી. access_time 12:53 pm IST

  • રાજકોટમાં સવારે ઝાપટુ વરસ્યુઃ ગઈસાંજથી સતત વાદળોનો ગંજારવ : સવારે ભેજનું પ્રમાણ ૯૨%: રાજકોટ શહેરમાં આજે સવારથી છવાયેલા વાદળો વચ્ચે સવારે ૭:૩૦ વાગ્યાથી ધીમીધારે છાંટા ચાલુ થયા હતા. થોડીવાર એવુ લાગતુ હતું કે હમણા તૂટી પડશે પણ હળવો વરસી ગયા બાદ વરસાદ બંધ થયો હતો. હવામાન વિભાગમાં સવારે ૮:૩૦ વાગ્યે ૯૨% ભેજ નોંધાયો છે, જયારે ૧૫ કિ.મી.ની ઝડપે પવન ફૂંકાય છે. આ લખાય છે ત્યારે સવારે ૧૦:૧૫ વાગ્યે વાદળો છવાયેલા છે access_time 10:57 am IST