Gujarati News

Gujarati News

News of Thursday, 13th June 2019

માંગરોળના દરિયામાં કરંટ : કિનારે 20થી 25 ફૂટ ઉંચા મોજા ઉછળ્યા : ચોરવાડ હોલીડે કેમ્પનો દરિયો ગાંડોતૂર

દૂધેશ્વર મહાદેવના મંદિરમાં દરિયાના પાણી ફરી વળ્યા : 24 જવાનો અને એનડીઆરએફની ટીમ તૈનાત

માંગરોળ નજીક આવેલા ચોરવાડ હોલીડે કેમ્પનો દરિયો વાયુ વાવાઝોડાના કારણે ગાંડોતૂર બન્યો છે. દરિયામાં કરંટ આવવાના કારણે 20 થી 25 ફુટ ઉંચા મોજા ઉછળ્યાં. જ્યારે દરિયા કીનારે આવેલા દૂધેશ્વર મહાદેવના મંદિરમાં દરિયાના પાણી ફરી વળ્યા છે.

  વાયુ વાવાઝોડાના કારણે માંગરોળમાં વહીવટી તંત્રને એલર્ટ કરી દેવામાં આવ્યુ છે. માંગરોળમાં એલર્ટના પગલે સેનાના 24 જવાનોની ટીમને તૈનાત કરવામાં આવી છે. આ ઉપરાંત એનડીઆરએફની એક ટીમને પણ તૈનાત કરવામાં આવી છે.

(1:52 pm IST)
  • ૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશે : હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે. access_time 3:34 pm IST

  • સુરતનો સુવાલી દરિયો બન્યો તોફાનીઃ દરિયા કિનારા આસપાસના ગામોને એલર્ટ કરાયાઃ ૧૫ ફુટથી વધુ ઊંચા મોજા ઉછળ્યાઃ સુવાલી દરિયાનું જોવા મળ્યું રોંદ્ર સ્વરૂપ access_time 12:52 pm IST

  • કચ્છના સરહદી વિસ્તાર હાજીપીર દરગાહ નજીક ગાજવીજ પવન સાથે જોરદાર વરસાદ વરસતા મકાનોના પતરા પણ ઉડી ગયા હતા access_time 3:33 pm IST