Gujarati News

Gujarati News

News of Thursday, 13th June 2019

જામકંડોરણામાં ૭૪૮ લોકોનું સ્થળાંતર

જામકંડોરણામાં આજે સવારે ઝરમર વરસાદ શરૂ થયો હતો. (તસ્વીર : મનસુખ બાલધા)

જામકંડોરણા તા. ૧૩ :.. તાલુકામાં સંભવિત વાવાઝોડા અને વરસાદની આગાહીના અનુસંધાને પૂર્વ સાવચેતીના ભાગરૂપે જામકંડોરણા મામલતદારશ્રીએ તાલુકા કક્ષાના તમામ અધિકારીઓની બેઠક બોલાવી સુચનાઓ આપી એલર્ટ કરવામાં આવેલ જામકંડોરણા તાલુકામાં કાચા મકાનો, ઝૂંપડામાં રહેતા દૂધીવદર, ઇશ્વરીયા, તરવડા, જામકંડોરણા, જશાપર, રાયડી સહિતના ગામોના કુલ ૭૪૮ લોકોનું સ્થળાંતર કરવામાં આવેલ. જામકંડોરણામાં ઇન્દીરાનગરમાં ઝૂંપડપટ્ટીમાં રહેતા લોકોનું ઇન્દીરા નગર પ્રા. શાળામાં તેમજ ખેતરોમાં રહેતા મજૂરોનું આઇટીઆઇ ખાતે રૂમ ફાળવી રહેવા, જમવા, ફુડ પેકેટ, પાણી સહિતની વ્યવસ્થા કરવામાં આવી હતી.

જામકંડોરણામાં આજે સવારે ઝરમર વરસાદ શરૂ થયો હતો રસ્તાઓ પલળે તેવા આ વરસાદથી મેઘરાજાએ આજે ભીમ અગીયારસના દિવસે અમી છાંટણા કરતા વાતાવરણમાં ઠંડક પ્રસરી ગઇ હતી. હજુ પણ વરસાદી માહોલ યથાવત છે.

(11:18 am IST)
  • કેબીનેટ મંત્રી જયેશભાઈ રાદડીયાએ પોરબંદરના દરિયા ચોપાટીની મુલાકાત લઈ અને સ્થળની શું પરિસ્થિતિ છે તેનું નિરીક્ષણ કર્યુ હતું. તેમણે જણાવેલ કે વહીવટી તંત્રના તમામ અધિકારીઓ એલર્ટ છે અને દરિયા નજીકના વિસ્તારમાં ન જવા અપીલ કરી હતી. access_time 12:53 pm IST

  • મહાદેવની કૃપાથી ધીમે-ધીમે બહાર આવી રહ્યા છીએ : વિજયભાઈનું સતત મોનીટરીંગ : નીતિનભાઈ ભારદ્વાજ : ભાજપ પ્રદેશ અગ્રણી શ્રી નીતિનભાઈ ભારદ્વાજ સોમનાથદાદાના દર્શને ગયા છે. તેઓએ જણાવેલ કે મહાદેવની કૃપાથી આપણે ધીમે - ધીમે બહાર આવી રહ્યા છીએ. કોઈ મોટી જાનહાની ન થાય તે માટે સરકાર દ્વારા સતત મોનીટરીંગ કરવામાં આવી રહ્યુ છે. મુખ્યમંત્રી શ્રી વિજયભાઈ રૂપાણી સતત વોચ રાખી રહ્યા છે. access_time 12:53 pm IST

  • વાયુ વાવાઝોડું અપડેટ : મોડી સાંજે પોરબંદરના ચોપાટી પર દરિયામાં આવ્યો જોરદાર કરંટ : જબરા મોજા ઉછળી રહ્યા છે : દરિયાનું પાણી આવી ગયું રસ્તાઓ પર : તંત્રે લોકોને ચોપાટીથી દૂર રહેવા અને તકેદારી રાખવા વિનંતી કરી છે. (સંદીપ બગથરીયા દ્વારા) access_time 10:33 pm IST