Gujarati News

Gujarati News

News of Wednesday, 13th June 2018

સોનુ હોવાની માન્યતાના પગલે શિવમંદિર ગર્ભગૃહમાં તોડફોડ

મોરબીના જુના સાદુળકા ગામમાં મંદિરમાં આવુ કૃત્ય કરનારા સામે ભભુકતો રોષ

મોરબી, તા.૧૩: મોરબી તાલુકાના જુના સાદુંળકા ગામે આવેલા શિવ મંદિરના ગર્ભગૃહ નીચે સોનું હોવાની માન્યતાને પગલે મંદિરમાં રાત્રીના તોડફોડ કરવામાં આવી હતી અને ગર્ભગૃહમાં બધું ખોદી નાખવામાં આવ્યું હતું.

જુના સાદુંળકા ગામ ભૂકંપ બાદ નવું વસ્યું હોય અને જુના ગામથી થોડે દુર નવું ગામ બનાવાયું છે અને જુના ગામમાં આવેલા શિવ મંદિરમાં નીચે સોનું દાટ્યું હોવાની માન્યતાને પગલે ગત રાત્રીના મંદિરના ગર્ભગૃહમાં તોડફોડ કરી નાખવામાં આવી છે અને મંદિરમાં ભારે નુકશાની પહોંચાડાઇ છે  આ અંગે ગ્રામજનો પાસેથી પ્રાપ્ત માહિતી અનુસાર અગાઉ પણ મંદિરમાં ભોયરૂ બનાવેલું જોવા મળ્યું હતું અને કેટલાક લોકો મંદિરમાં સોનું હોવાની માન્યતાને પગલે મંદિરને નિશાન બનાવી રહ્યા છે જોકે મંદિર નીચે ખરેખર સોનું છે કે નથી, મંદિર કેટલું પ્રાચીન છે તેની સચોટ માહિતી પ્રાપ્ત થઇ સકી નથી પરંતુ મંદિરમાં સોનું હોવાની વાતને પગલે અગાઉ પણ આવા કૃત્ય કરવામાં આવ્યા હતા તો શિવ મંદિરમાં તોડફોડથી ભકતોમાં નારાજગી જોવા મળી છે અને ગ્રામજનો આવું કૃત્ય કરનાર સામે રોષ ઠાલવી રહ્યા છે.

(11:38 am IST)
  • પાકિસ્તાનમાં ઇમરાનખાન વિરુદ્ધ 100 વર્ષની મહિલા લડશે ચૂંટણી ;ઇમરાનખાન પાંચ જગ્યાએથી ચૂંટણીમાં ઝુકાવશે ;મહિલા ઇમરાન સામે બે જગ્યાએથી ચૂંટણી લડશે :હજરત બીવી નામની આ મહિલાએ બનનું અને કે-પી એસેમ્બલી માટે પીકે-89 (બન્નુ 1110 ) થી નામાંકન દાખલ કર્યું છે કન્યા કેળવણીનો મુખ્ય ઉદેશ્ય access_time 1:23 am IST

  • રીચર્ડ હેડલીને કેન્સર, ઓપરેશન કરાયુ : ન્યુઝીલેન્ડના પૂર્વ ક્રિકેટર રીચર્ડ હેડલીને કેન્સર, તબીબો દ્વારા ટ્યુમરનું ઓપરેશન કરવામાં આવ્યુ : ૬૬ વર્ષના હેડલીને કીમોથેરાપી કરવામાં આવશે. ૪૦૦ વિકેટ લેનાર પ્રથમ બોલર બનેલા : ૧૯૯૦માં ક્રિકેટમાંથી નિવૃતિ લીધી હતી access_time 3:38 pm IST

  • પેટ્રોલ-ડીઝલના ભાવ ઘટાડાને બ્રેક : કાલે બુધવારે પેટ્રોલ-ડીઝલના ભાવમાં ઘટાડો થવાની શકયતા નહિવત:હાલના ભાવ મુજબ પેટ્રોલ લીટરે 75.75 રૂપિયા ડીઝલનો ભાવ 72.75 રૂપિયા યથાવત રહેશે : ભાવમાં મોટાભાગે કોઈ ફેરફાર થશે નહીં તેમ મનાય છે access_time 11:04 pm IST