Gujarati News

Gujarati News

News of Friday, 12th July 2019

મોરબીમાં ૬૧ હજાર મતાની ચોરી

વિજયનગરમાં પટેલ પરિવાર છત પર સૂતા'તાને તસ્કરો ઘર સાફ કરી ગયા

મોરબી, તા.૧૨: મોરબી કન્યાછાત્રાલય રોડ આવેલ વિજયનગરમાં અગાશી પર મીઠી નીંદર માણી રહેલ પટેલ પરિવારના ઘરમાંથી તસ્કરો ૬૧ હજારથી વધુ માલમતા ચોરી કરી ગયા હતા.

મોરબીના કન્યાછાત્રાલય રોડ પર આવેલ વિજયનગરમાં રહેતા ભરતભાઈ ઓધવજીભાઈ લાલપરા ગત તા.૧૧ના રાત્રીના પોતાના મકાનમાં છત પર મીઠી નીંદર માણી રહેલ હોય દરમિયાન કોઈ અજાણ્યા શખ્સોએ મકાનમાં દરવાજાના નકુચા તોડી ઘરમાં પ્રવેશ કરી કબાટમાંથી રોકડ રકમ રૂ.૬૦૦૦, સોનાની ચેન અઢી તોલાની કીમત રૂ.૫૦૦૦૦, એક વિવો-૯ કંપનીનો મોબાઈલ કીમત રૂ.૫૦૦૦ તથા એક કાંડા ઘડીયાળ કીમત રૂ.૫૦૦ એક કુલ મુદામાલ ૬૧૫૦૦ની ચોરી કરી લઇ ગયાની ફરિયાદ ભરતભાઈએ મોરબી એ ડીવીઝન પોલીસ મથકમાં નોંધવી છે.મોરબી એ ડીવીઝન પોલીસે ચોરીની ફરિયાદ નોંધી વધુ તપાસ પી.એસ.આઈ. સી.એચ.શુકલ ચલાવી રહ્યા છે.

(1:18 pm IST)
  • કર્ણાટકમાં રાજકીય સંકટ:કોંગ્રેસના કાકડાટ બાદ ભાજપમાં પણ ધમાસાણ :જેડીએસને મુખ્યમંત્રી પદ આપવા મામલે ભાજપમાં ડખ્ખો : કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદ ;કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર access_time 1:04 am IST

  • ત્રિપુરા ગ્રામ પંચાયત ચૂંટણીમાં સત્તામાં રહેલ ભાજપની બંપર જીત:. પાર્ટીનાં 83 ટકા ઉમેદવાર બિનહરીફ ચુંટાયા: સીપીઆઇએમ અને કોંગ્રેસ સહિત અનેક પાર્ટીઓનાં મોટાભાગની સીટો પર પોતાનાં ઉમેદવારો હટાવી લીધા. :ચૂંટણીમાં ગોટાળા અને હિંસાનો લગાવ્યો આરોપ access_time 1:00 am IST

  • જસ્ટીસ અકિલ કુરેશી સંદર્ભનો કેસ ૧૫ જુલાઈએ સુપ્રિમ કોર્ટના ચીફ જસ્ટીસ સાંભળશે : જસ્ટીસ અકિલ કુરેશીને મધ્યપ્રદેશ હાઈકોર્ટના ચીફ જસ્ટીસ બનાવવા અંગેની ગુજરાત હાઈકોર્ટ એડવોકેટ એસોસીએશનની અરજીની સુનાવણી ૧૫ જુલાઈએ મુખ્ય ન્યાયાધીશ રંજન ગોગોઈની અધ્યક્ષતાવાળી બેન્ચમાં થશે access_time 1:12 pm IST