Gujarati News

Gujarati News

News of Wednesday, 12th May 2021

જસદણ-વિંછીયા તાલુકામાં કુંવરજીભાઇ બાવળીયાની આગેવાનીમાં 'મારૂ ગામ કોરોના મુકત ગામ' અભિયાન

(વિજય વસાણી દ્વારા) આટકોટ,તા. ૧૨: 'મારૂ ગામ કોરોના મકત ગામ' અંતર્ગત જસદણ, વિંછીયા વિસ્તારના ધારાસભ્ય અને રાજયના કેબીનેટ મંત્રી કુંવરજીભાઈ બાવળીયાએ લોકોના આરોગ્ય અને સુખાકારી માટે સતત જાગૃતતા દાખવી, સતત મદદ કરતા કોરોના મહામારીમાં રોગથી પીડીત દર્દીઓએ રાહત અનુભવી છે.તાલુકાના લોકો કોરોના મહામારીના સમયમાં રોગ મુકત થાય, બિમાર દર્દીઓ સાજા થાય, સંક્રમણ ફેલાતું અટકે અને લોકોને પ્રાથમિક તબકકામાં જ સારવાર મળે અને ગંભીર પ્રકારની બિમારીમાંથી બચાવી લેવા માટે વિંછીયા, જસદણ, વિરનગર સહીતના વિસ્તારોમાં વહીવટી તંત્ર, સામાજીક સંસ્થાઓ, આગેવાનોની મદદથી કોવિડકેર સેન્ટરો શરૂ કરાવી જરૂરી દવાઓ, ઓકસીજન સહીતની તમામ સુવિધાઓ ઉભી કરવામાં આવી છે.

મંત્રી કુંવરજીભાઈ બાવળીયાએ પરિવારના કોઈપણ સભ્યને તાવ, શરદી, ઉધરસ, શ્વાસ, દુખાવો, ઝાડા જેવા શંકાસ્પદ લક્ષણો જણાય તો તરત નજીકના સરકારી દવાખાનાએ જઈ નિદાન કરાવી લેવા અંગે દર્દી કે દર્દીઓના સ્વજનોને સતત માર્ગદર્શન આપી રોગમાંથી વહેલી તકે મુકિત મળે તે માટે માનસિક રીતે ભાંગી પડેલા પરિવારોને હિંમત આપી વિના મુલ્યે દવા સહીતની સુવિધાઓ માટે જસદણ, વિંછીયાના આરોગ્ય કેન્દ્રો કે આશાવકરો અગર 'કુંવરજીભાઈ બાવળીયાના કાર્યાલય' નો સંપર્ક કરવા જણાવ્યું છે.આગામી દિવસોમાં કોરોનાની ત્રીજી લહેર આવવાની સંભાવનાઓ તજશ્ઞો દ્વારા વ્યકત કરવામાં આવી રહી છે ત્યારે બાળકો સહીતના લોકોમાં ગ્રામ્ય કક્ષાએ સંક્રમણ વધુ ન ફેલાય અને ૧૮ થી ૪૫ વર્ષ અને તેથી ઉપરના તમામ લોકો વેકસીન (રસી) લેવડાવે તે માટે ગ્રામજનોમાં સતત જાગૃતિ લાવવા સહીયારા પ્રયત્નની જરૂર છે, કોરોનાને કારણે સ્વજનો ગુમાવ્યા છે, તેમના આત્માને શાંતિ, મોક્ષ અર્થે સામુહિક સ્તરે ચિંતા કરી શીવરાજપુર, આંબરડી, ગોડલાધાર અને કાળાસર ગામોએ યશ કરવામાં આવ્યા હતા અને આજ પ્રકારે અન્ય ગામોમાં યજ્ઞ કરવાનું આયોજન કરવામાં આવ્યું છે.કોરોનાના કપરા સમયમાં લોકોમાં જાગૃતિ લાવવા માટે સરપંચથી માંડી દરેક લોક પ્રતિનિધિ જો આ અભિયાનમાં જોડાય અને તંત્રને સહયોગ આપશે તો સાચા અર્થમાં સરકારના અભિગમ મુજબ 'મારૃં ગામ કોરોના મુકત ગામ'' કહેવાશે.

(11:46 am IST)
  • બુધવારે દિલ્હી સહિત દેશના કોઈ ભાગમાં ઇદનો ચાંદ જોવા મળ્યો નથી, તેથી ઈદ-ઉલ-ફિત્રનો તહેવાર શુક્રવારે ઉજવવામાં આવશે અને 30 મુ અંતિમ રોજુ, ગુરુવારે થશે. ફતેપુરી મસ્જિદના શાહી ઇમામ મૌલાના મુફ્તી મુકર્રમે કહ્યું હતું કે ઈદનો ચાંદ દિલ્હી સહિત દેશના કોઈ પણ ભાગમાં જોવા મળ્યો નથી, તેથી ઇદનો તહેવાર 14 મે, શુક્રવારે ઉજવાશે. access_time 9:54 pm IST

  • રાજકોટમાં ૪૦ ડીગ્રી : રાજકોટ શહેરમાં ૧૬ કિ.મી.ની ઝડપે ગરમ પવન ફૂંકાઈ રહ્યા છેઃ હાલ મહત્તમ નોર્મલ તાપમાન ૪૧ ડીગ્રી ગણાયઃ આગામી બે-ત્રણ દિવસ ગરમીનો પારો ૪૧ ડીગ્રી આસપાસ રહેશે તેમ હવામાન શાસ્ત્રીઓ જણાવે છે access_time 3:44 pm IST

  • હરિયાણા પોલીસે મંગળવારે ખેડૂત આંદોલનમાં ભાગ લેવા આવેલી પશ્ચિમ બંગાળની એક મહિલા પર બળાત્કાર કેસમાં છ આરોપીઓને નોટિસ ફટકારી છે. આ કેસમાં રચાયેલી એસઆઈટીએ ખેડૂત નેતા અને સ્વરાજ ભારતના રાષ્ટ્રીય અધ્યક્ષ યોગેન્દ્ર યાદવ અને એક આરોપી મહિલાની પણ મંગળવારે સાંજ સુધી પૂછપરછ કરી હતી. આ કિસ્સામાં, સંયુક્ત કિસાન મોરચાના નેતાઓએ દાવો કર્યો હતો કે તેઓ આ જાતીય હુમલા અંગે અજાણ હતા. access_time 12:00 am IST