Gujarati News

Gujarati News

News of Friday, 12th January 2018

ધોરાજીમાં ચાઇનીઝ દોરાના વેચાણ સામે કડક પગલા લેવા લોક માંગ

ધોરાજી તા. ૧૨ : ઉત્તરાયણ એટલે પતંગ ઉડાવવાનો અને પરિવાર સાથે હળીમળીને ઉજવવાનો ત્યૌહાર. હાલમાં ઉત્તરાયણના તહેવારને માત્ર ગણતરીના દિવસો રહ્યા છે ત્યારે ધોરાજીની બજારોમાં અવનવા પતંગોનું આગમન થઇ ચુકયું છે તેની સાથોસાથ ચાઇનીઝ દોરાનું પણ ખૂણે ખાચરે વેચાણ થઇ રહ્યાનું જાણવા મળ્યું છે.

ચાઇનીઝ દોરા પક્ષીઓના મોતનું કારણ બનતા હોય સંબંધીત તંત્ર દ્વારા યોગ્ય કાર્યવાહી કરવામાં આવે જેથી આવા ચાઇનીઝ દોરાનું વેચાણ અટકે તેવી લોકમાંગણી ઉઠવા પામી છે.

(11:39 am IST)
  • ભાગેડુ અપરાધી અને ઉદ્યોગપતિ વિજય માલ્યાના પ્રત્યર્પણના કેસમાં લંડનની અદાલતમાં ગુરુવારે યોજાયેલી સુનાવણીનું કોઇ નક્કર પરિણામ આવ્યું નથી. વિજય માલ્યાનું પ્રત્યર્પણ ફરીથી પાછું ઠેલાયું છે. પુરાવાનો સ્વીકાર કરવો કે નહીં તે બાબતે વિજય માલ્યાના વકીલે દલીલ અને રજૂઆત કર્યા બાદ માલ્યાના જામીન બે એપ્રિલ સુધી લંબાવવામાં આવેલ છે. access_time 3:54 pm IST

  • હઝ પર 9 ટકા જીએસટી દૂર કરવાની માંગ સાથે દાખલ કરાયેલ અરજીની પર આજે સુપ્રીમ કોર્ટે કેન્દ્ર સરકારને પોતાનો જવાબ રજુ આપવાનો આદેશ આપ્યો છે access_time 9:32 am IST

  • ઇંગ્લેન્ડના નોટિંગઘમ રેલવે સ્ટેશનમાં લાગી ભીષણ આગ : સમગ્ર સ્ટેશન ખાલી કરાવાયું : આગ પર કાબુ મેળવવા અગ્નિશામક તંત્ર લાગ્યું કામે : આતંકી હુમલાની સેવાય રહી સંભાવના access_time 11:01 pm IST