Gujarati News

Gujarati News

News of Thursday, 11th October 2018

મોરબી સિવિલમાં મહિલા કર્મચારી અને દર્દી વચ્ચે છૂટા હાથની મારામારી

મોરબી : હરહંમેશ વિવાદમાં ઘેરાયેલ રહેતી મોરબીની સિવિલ હોસ્પિટલમાં દવા લેવા ગયેલ મહિલા સાથે બે મીહલા કર્મચારીઓને નજીવી બાબતે લપ થતા ગુસ્સે ભરાયેલ મહિલા કર્મચારી ઓફિસ છોડી બહાર ધસી આવી હતી અને મહિલા દર્દી સાથે છુટા હાથની મારામારી ઉપર ઉતરી આવતા મામલો સિવિલ સુપ્રિન્ટેન્ડેન્ટ સુધી પહોંચ્યો હતો.

પ્રાપ્ત થતી માહિતી મુજબ મોરબીની સિવિલ હોસ્પિટલમાં આજે બપોરે ૧૨ વાગ્યાના અરસામાં બે મહિલા કર્મચારી અને એક મહિલા દર્દી વચ્ચે નજીવી બાબતે બોલાચાલી થઇ હતી. બાદમાં આ બોલાચાલીએ ઉગ્ર સ્વરૃપ ધારણ કરી લેતા મહિલા કર્મચારી ચેમ્બર છોડી બહાર ધસી આવી હતી અને ત્રણેય વચ્ચે બેફામ ગાળાગાળી અને મારામારી થતા દર્દીઓના ટોળેટોળા એકઠા થઇ ગયા હતા અને સમગ્ર મામલો સિવિલ સુપ્રિન્ટેન્ડન્ટ સુધી પહોંચ્યો હતો.

જો કે આ મામલે હજુ સુધી કોઇ પોલીસ ફરિયાદ નોંધાઇ નથી. પરંતુ આજની આ શર્મનાક ઘટના બાદ હવે મોરબી સિવિલ સત્તાવાળા દ્વારા પોતાના ગુસ્સેલ કર્મચારીઓ માટે ચિંતન શિબિર ગોઠવવાની તાતી જરૃરિયાત હોવાનું જણાઇ રહ્યું છે.

(5:59 pm IST)
  • જમ્મુ-કાશ્મીર : કુપવારામાં માર્યો ગયો ત્રાસવાદી મન્નાન વાની : AMUમાં કર્યો'તો અભ્યાસ : હિઝબુલનો કમાન્ડ હતો : આજે કુલ બે ત્રાસવાદી ઠાર : શસ્ત્રો મળ્યા access_time 11:43 am IST

  • જામખંભાળિયામાં મારામારીના કેસમાં નગરપાલિકાના પૂર્વ પ્રમુખ -ભાજપના નેતા અને જિલ્લા પંચાયતના સદસ્યના પતિને એક-એક વર્ષની સજા ફટકારતી અદાલત ;છ વર્ષ જુના કેસમાં ભાજપના આગેવાનને સજા ફટકારતા ખળભળાટ access_time 11:16 pm IST

  • અમદાવાદ આંગડીયા પેઠી પાસેથી લુંટ કરવાના ગુનામા આરોપીની ધરપકડ: ક્રાઈમ બ્રાંચે કરી આરોપીની ધરપકડ:વડોદરામા થયેલ બે લૂંટના ગુનાનો ભેદ ઉકેલાયો: 5 લાખ અને 2.50 લાખની લૂંટનો ભેદ ઉકેલાયો:આરોપી અગાઉ 10 થી વધુ ગુનામા ઝડપાઈ ચુક્યો છે. access_time 7:43 pm IST