Gujarati News

Gujarati News

News of Tuesday, 11th May 2021

કોરોના મુકિત માટે જસદણના સાણથલીથી પરબધામ સુધી દંડવત કરતા-કરતા જવાની ટેક પૂર્ણ

(હસમુખ વસાણી દ્વારા) સાણથલી,તા. ૧૧: જસદણના સાણથલી ગામના વાસાવડ રોડ ઉપર આવેલ ખેતલીયા દાદાના મંદિર ના મહંત ગોવિંદ દાસ બાપુ ગુરુ કાલિદાસ બાપુ દ્વારા સાણથલી ગામ તેમજ સમગ્ર રાજય અને દેશમાં ફેલાયેલા કોરોના મહામારી પ્રકોપથી લોકોને ભારે વેદના અને દુઃખ સાથે અનેક લોકોએ પરિવારના સ્વજનો ગુમાવ્યા જેના કારણે વ્યથિત થઈને સમગ્ર ગામ રાજય અને દેશમાં સુખ શાંતિ અને મહામારી થી મુકિત મળે તેવા શુભ હેતુથી સાણથલી ખેતલા બાપાના મંદિર થી પરબ ધામ પરબ સુધી દંડવત કરતા કરતા જવાની આ કરી ટેક પૂરી કરવા તારીખ ૨૮ /૪ /૨૦૨૧ શરૂ કરી હતી જે તારીખ ૮/૫/૨૦૨૧ રોજ પૂરી કરીને સાણથલી પરત આવેલ ત્યારે ભાવિકો તેમજ ગ્રામજનો દ્વારા સામૈયા સાથે સ્વાગત કરેલ ગોવિંદ દાસ બાપુ એ ગામના બસ સ્ટેન્ડમાં હનુમાનજીના મંદિરે ઉપરાંત રામજી મંદિર રામદેવપીર મંદિર મેલડી માતાનું મંદિર સહિત દરેક મંદિરમાં શીશ નમાવી આશીર્વાદ લીધા હતા સમગ્ર સમાજ તેમજ વિશ્વ કલ્યાણની પ્રાર્થના કરી હતી

(11:52 am IST)
  • મંગળવારે બપોરે પશ્ચિમ બંગાળના જુદા જુદા ભાગોમાં તોફાન અને ભારે વરસાદને કારણે આઠ લોકોનાં મોત નીપજ્યાં હતાં. અધિકારીઓએ આ માહિતી આપી. હવામાન ખાતાના એક અધિકારીએ જણાવ્યું હતું કે વીજળી પડવાથી અને કલાકે 50 કિલોમીટરની ઝડપે થયેલ ધૂળના તોફાનને કારણે કોલકાતા, ઉત્તર 24 પરગણા, નાદિયા, મુર્શીદાબાદ, બાંકુરા, પૂર્વી બર્ધમાન, પશ્ચિમ મેદનીપુર, બીરભૂમ અને પુરૂલિયા જિલ્લામાં ભારે નુકસાન થયું છે. access_time 11:57 pm IST

  • મળતા અહેવાલો મુજબ અમદાવાદ, ગુજરાતના ચેરિટી કમિશનરે એનજીઓ ‘વી ધ પીપલ ચેરીટેબલ ટ્રસ્ટ’ ના બેન્ક ખાતા ફ્રીઝ કરવાનો આદેશ આપ્યો છે. ધારાસભ્ય જીગ્નેશ મેવાણી આ NGO ના નામે ભંડોળ એકત્રિત કરી રહ્યા હતા, બાદ આ હુકમ થયો છે. એનજીઓને પણ કારણદર્શક નોટિસ ફટકારવામાં આવી છે. એક તપાસમાં જાણવા મળ્યું છે કે મેવાણી આ સંસ્થાના ટ્રસ્ટી નથી. ટ્રસ્ટ તરફથી જવાબ માંગવામાં આવ્યો છે કે શું મેવાણીને આવી કોઈ અપીલ કરવા માટે અધિકૃત કરવામાં આવ્યા હતા? પરંતુ રિપોર્ટ પ્રમાણે હજી સુધી NGO તરફથી કોઈ જવાબ મળ્યો નથી તેમ જાણવા મળે છે. access_time 12:18 am IST

  • કોરોના મહામારી : રેલ્વેના રોજ ૧૦૦૦ કર્મચારી થાય છે સંક્રમિત : મહામારીએ અત્યાર સુધીમાં ૧૯૫૨ના જીવ ગયા : ભારતીય રેલ્વેમાં કુલ ૧૩ લાખથી વધુ કર્મચારીઓ કામ કરે છે. પ્રતિદિન લગભગ ૧,૦૦૦ કર્મચારીને કોરોના થઇ રહ્યો છે : અત્યાર સુધીમાં રેલ્વેના ૧૯૫૨ કર્મચારીઓએ જીવ ગુમાવ્યો છે : અત્યાર સુધીમાં ૧ લાખથી વધુ કર્મચારીઓ સંક્રમિત થયા છે જેમાંથી ૬૫,૦૦૦ સાજા થઇ કામ પર પાછા ફર્યા છે. access_time 11:06 am IST