Gujarati News

Gujarati News

News of Tuesday, 11th May 2021

જુનાગઢ જિલ્લામાં પણ મ્યુકરમાઇકોસિસનો પગપેસારોઃ બે દર્દીને રાજકોટ રીફર કરાયા

જુનાગઢ સીવીલમાં સારવાર ન હોવાથી પરેશાની

(વિનુ જોશી) જુનાગઢ તા. ૧૧ :.. જુનાગઢ જિલ્લામાં પણ મ્યુકરમાઇકોસિસનો પગપેસારો થયો હોવાનું અને બે દર્દીને રાજકોટ ખાતે રીફર કરવામાં આવ્યા હોવાનું જાણવા મળેલ છે.

કોરોના મહામારીનાં પગલે મ્યુકરમાઇકોસિસ નામનાં રોગે પણ માજા મુકવાનું શરૂ કર્યુ છે અને હવે જુનાગઢ જિલ્લામાં પણ આ રોગએ પણ એન્ટ્રી કરી છે. અને બે દર્દીને મ્યુકરમાઇકોસિસ માલુમ પડતા રાજકોટ ખાતે સારવાર માટે ખસેડવામાં આવ્યા હોવાનું જાણવા મળેલ છે.

જુનાગઢ સિવીલમાં આ રોગની સારવાર  ઉપલબ્ધ ન હોવાથી બંને દર્દીને રાજકોટ ખસેડવામાં આવ્યા છે.

જુનાગઢ સીવીલ સર્જન ડો. સુશીલ કુમારે સવારે ટેલીફોનીક વાતચીતમાં જણાવેલ કે, મ્યુકરમાઇકોસિસનાં બે-ચાર પેશન્ટ છે. પરંતુ આ બાબત કન્ફર્ન નથી પરંતુ અત્યારે સીવીલમાં વેઇટીંગ ઝીરો છે. સવારે ત્રણ દર્દી પેઇટીંગમાં હતાં. પરંતુ તેઓની વ્યવસ્થા કરી આપવામાં આવી હતી.

જુનાગઢ જિલ્લામાં પણ મ્યુકરમાઇકોસિસની એન્ટ્રી થવાથી લોકોમાં ફફડાટ વ્યાપી ગયો હતો.

સામે આવેલા બે દર્દીની અન્ય કોઇ સતાવાર માહિતી પ્રાપ્ત થઇ નથી અને તંત્રમાં પણ આ બાબતને લઇ ચિંતા પ્રવર્તતી હોવાનું જાણવા મળે છે.

(11:51 am IST)
  • મંગળવારે બપોરે પશ્ચિમ બંગાળના જુદા જુદા ભાગોમાં તોફાન અને ભારે વરસાદને કારણે આઠ લોકોનાં મોત નીપજ્યાં હતાં. અધિકારીઓએ આ માહિતી આપી. હવામાન ખાતાના એક અધિકારીએ જણાવ્યું હતું કે વીજળી પડવાથી અને કલાકે 50 કિલોમીટરની ઝડપે થયેલ ધૂળના તોફાનને કારણે કોલકાતા, ઉત્તર 24 પરગણા, નાદિયા, મુર્શીદાબાદ, બાંકુરા, પૂર્વી બર્ધમાન, પશ્ચિમ મેદનીપુર, બીરભૂમ અને પુરૂલિયા જિલ્લામાં ભારે નુકસાન થયું છે. access_time 11:57 pm IST

  • પેટ્રોલ અને ડીઝલના ભાવમાં ફરી વધારો ઝીંકાયો : આજે સવારથી પેટ્રોલના ભાવમાં ૨૭ પૈસા અને ડિઝલના ભાવમાં ૩૦ પૈસાનો વધારો પ્રતિ લીટર કરવામાં આવ્યો છે. access_time 10:45 am IST

  • તેલંગણામાં આવતીકાલથી ૧૦ દિવસનું લોકડાઉન : સવારે ૬ થી ૧૦ તમામ કામકાજ ચાલુ રાખવાની છૂટ : કોરોના વેક્સીનની ખરીદી માટે વૈશ્વિક ટેન્ડર બહાર પડાશે : તેલંગણા સરકારે આવતીકાલે તા.૧૨મી મે થી રાજયમાં ૧૦ દિવસનું લોકડાઉન જાહેર કર્યુ છે : જા કે તમામ કામકાજ સવારે ૬ થી ૧૦ સુધી ચાલુ રાખવા દેવામાં આવશે : તેલંગણામાં છેલ્લા બે અઠવાડીયાથી રાત્રી કર્ફયુ અમલમાં છે : સવારે ૬ થી ૧૦ને બાદ કરતા રાજયમાં બાકીના સમય માટે સંપૂર્ણ લોકડાઉન રહેશે : તેલંગણા સરકાર જૂન મહિના પછી ૧૮ વર્ષથી ઉપરની વયનાઓ માટે રસીકરણ ડ્રાઈવ શરૂ કરશે : તેલંગણા કેબીનેટે કોવિડ-૧૯ વેક્સીન ખરીદવા માટે વૈશ્વિક ટેન્ડરો પાર પાડવાનું પણ નક્કી કર્યુ છે access_time 4:01 pm IST