Gujarati News

Gujarati News

News of Tuesday, 11th May 2021

કોરોના મહામારી વચ્ચે દર્દીઓની સારવાર માટે ભુજમાં હોસ્પિટલ શરૂ કરવા મુસ્લિમ અગ્રણી દ્વારા ૨૫ લાખનું દાન

આદમભાઈ ચાકીની પહેલ સાથે અત્યારે સ્કુલ મધ્યે હંગામી હોસ્પિટલ શરૂ કરવા તજવીજ : દાતાઓને આગળ આવી કાયમી હોસ્પિટલનું નિર્માણ કરવા અપીલ

(વિનોદ ગાલા દ્વારા) ભુજ તા. ૧૧ : કચ્છમાં કોરોના મહામારી દરમ્યાન દર્દીઓને મદદરૂપ બનવા મુસ્લિમ સંસ્થાઓ આગળ આવે એવા વિચાર સાથે સામાજિક અને રાજકીય અગ્રણી આદમભાઇ ચાકીએ ૨૫ લાખ રૂપિયાના દાનની જાહેરાત કરી છે. કોરોનાની વર્તમાન પરિસ્થિતિ જોઈને કચ્છમાં મુસ્લિમ સમાજ પણ એક કાયમીછે.

જોકે, અત્યારે ભુજની મુસ્લિમ હાઇસ્કુલ મધ્યે હંગામી ધોરણે કોરોનાના દર્દીઓની સારવાર માટે શિફા હોસ્પિટલ શરૂ કરવાની તૈયારી છે. જે માટે બેડ, ઓકિસજન સિલિન્ડર અને વેન્ટિલેટરની વ્યવસ્થા ઉભી કરાઈ રહી છે. આ હંગામી કોરોના હોસ્પિટલ સાર્વજનિક હશે. પરંતુ, અત્યારે શરૂ થયેલી આ પહેલ સાથે કાયમી ધોરણે ભુજમાં અદ્યતન શીફા હોસ્પિટલ કાર્યરત થાય તે માટે દાતાઓ અને સંસ્થાઓને આગળ આવવા આદમભાઈ ચાકીએ અપીલ કરી છે. કાયમી હોસ્પિટલમાં ન નફો અને ન નુકસાન ના ધોરણે દર્દીઓની સર્વજનિક સારવાર થાય તેમ જ ગરીબ દર્દીઓ માટે જકાતની વ્યવસ્થા ઉભી કરાય એવી ઈચ્છા આદમભાઇએ વ્યકત કરી છે.

(11:52 am IST)
  • પશ્ચિમ બંગાળ વિરોધ પક્ષના નેતા તરીકે શુભેન્દુ અધિકારીની નિમણુંક : મમતા બેનર્જીને નંદીગ્રામ બેઠક ઉપરથી 1900 મતે હરાવવાનું ઇનામ : એક સમયના મમતા બેનર્જીના નિકટના સાથીદાર હવે સૌથી મોટા વિરોધ પક્ષ ભાજપના નેતા બન્યા access_time 6:49 pm IST

  • તેલંગણામાં આવતીકાલથી ૧૦ દિવસનું લોકડાઉન : સવારે ૬ થી ૧૦ તમામ કામકાજ ચાલુ રાખવાની છૂટ : કોરોના વેક્સીનની ખરીદી માટે વૈશ્વિક ટેન્ડર બહાર પડાશે : તેલંગણા સરકારે આવતીકાલે તા.૧૨મી મે થી રાજયમાં ૧૦ દિવસનું લોકડાઉન જાહેર કર્યુ છે : જા કે તમામ કામકાજ સવારે ૬ થી ૧૦ સુધી ચાલુ રાખવા દેવામાં આવશે : તેલંગણામાં છેલ્લા બે અઠવાડીયાથી રાત્રી કર્ફયુ અમલમાં છે : સવારે ૬ થી ૧૦ને બાદ કરતા રાજયમાં બાકીના સમય માટે સંપૂર્ણ લોકડાઉન રહેશે : તેલંગણા સરકાર જૂન મહિના પછી ૧૮ વર્ષથી ઉપરની વયનાઓ માટે રસીકરણ ડ્રાઈવ શરૂ કરશે : તેલંગણા કેબીનેટે કોવિડ-૧૯ વેક્સીન ખરીદવા માટે વૈશ્વિક ટેન્ડરો પાર પાડવાનું પણ નક્કી કર્યુ છે access_time 4:01 pm IST

  • પેટ્રોલ અને ડીઝલના ભાવમાં ફરી વધારો ઝીંકાયો : આજે સવારથી પેટ્રોલના ભાવમાં ૨૭ પૈસા અને ડિઝલના ભાવમાં ૩૦ પૈસાનો વધારો પ્રતિ લીટર કરવામાં આવ્યો છે. access_time 10:45 am IST