Gujarati News

Gujarati News

News of Monday, 11th January 2021

સામખિયાળી પાસે ૪૦ લાખનો દારૂ ઝડપાયો : નાળિયેરીની આડમાં નાસિકથી ટ્રકમાં ગાંધીધામ લવાતો હતો

પૂર્વ કચ્છ એલસીબીનો સપાટો : બુટલેગરો દ્વારા હરિયાણા : રાજસ્થાન પછી હવે મહારાષ્ટ્રનું નેટવર્ક ?

(વિનોદ ગાલા દ્વારા) ભુજ તા. ગુજરાતમાં દારૂબંધીના કડક કાયદાઓ વચ્ચે પણ બૂટલેગરો દ્વારા લાખો રૂપિયાના દારૂનું ગેરકાયદે નેટવર્કનું જાળું વિસ્તરેલું છે. પોલીસ દ્વારા કરાતી કાર્યવાહી દરમ્યાન ઝડપાતાં દારૂના જથ્થાનો આંક ઘણીવાર લાખોને આંબે છે.

પૂર્વ કચ્છ એલસીબીએ આ જ રીતે વધુ એકવાર સપાટો બોલાવી નાસિકથી ટ્રક દ્વારા કચ્છ લઈ અવાતો ૪૦ લાખ ૬૭ હજારનો જથ્થો ઝડપી પાડી સપાટો બોલાવ્યો છે. સામખિયાળી પાસે પેટ્રોલિંગ દરમ્યાન પૂર્વ બાતમીને આધારે ટ્રક નં. જીજે ૧૫ એટી ૦૨૦૯ ને અટકાવી તપાસ કરતાં દારૂની અલગ અલગ બ્રાન્ડ નો ૮૮૫ પેટીમાં ૧૦,૬૦૦ બોટલ અને બીયરની ૮૬ પેટી ૨૦૬૪ ટીન નો મોટો જથ્થો ઝડપ્યો હતો. પોલીસે ટ્રક ડ્રાઈવર રામચંદ્ર રામપ્રસાદ યાદવ, યુપીની ધરપકડ કરી છે.

પૂછપરછ દરમ્યાન ગાંધીધામના બાટા શો રૂમ, જવાહર ચોક નામની રસીદ ટ્રક ડ્રાઈવર પાસેથી મળી છે. જોકે, દારૂની ડિલિવરી કોને આપવાની હતી તે અંગે ગાંધીધામ પહોંચ્યા બાદ ટ્રક ડ્રાયવરને ફોન આવવાનો હતો. એલસીબી પીઆઈ સુમિત દેસાઈ અને સ્ટાફે આ કાર્યવાહી કરી છે.

(4:03 pm IST)
  • વિરાટ કોહલી પિતા બન્યાઃ પત્ની અનુષ્કા શર્માએ પુત્રીને જન્મ આપ્યો : ભારતીય ક્રિકેટ ટીમના કેપ્ટન વિરાટ કોહલી પિતા બન્યા છે. તેમના પત્ની અને ફિલ્મ અભિનેત્રી અનુષ્કા શર્માએ પુત્રીને જન્મ આપ્યો છે. લક્ષ્મીજીના આગમનથી પરિવારમાં ઉત્સાહ છવાયો છે. access_time 4:44 pm IST

  • આગામી થોડા મહિનાઓમાં 30 કરોડ લોકોને રસી આપવાનું આયોજન : વેક્સીન વિષે ફેલાતી ગેરસમજણ રોકવાની જવાબદારી રાજ્ય સરકારોની : શરૂઆતના 3 કરોડ નાગરિકોને વેક્સીન આપવાનો ખર્ચ કેન્દ્ર સરકાર ભોગવશે : કેરળ ,રાજસ્થાન ,હિમાચલ પ્રદેશ ,હરિયાણા ,મધ્ય પ્રદેશ ,યુ.પી. ,દિલ્હી ,ગુજરાત ,તથા મહારાષ્ટ્રમાં બર્ડ ફ્લૂની પુષ્ટિ : રાજ્યોના મુખ્યમંત્રીઓ સાથેની બેઠકમાં વડાપ્રધાન શ્રી નરેન્દ્ર મોદી access_time 5:31 pm IST

  • ખેડૂત નેતાઓએ ૨૬ જાન્‍યુઆરીની પરેડમાં કોઈપણ અડચણ નહિં કરવા ખાત્રી આપી : સાથોસાથ દિલ્‍હીના રામલીલા મેદાનમાં ધરણા કરવા દેવા સુપ્રિમ કોર્ટ પાસે માંગણી કરી access_time 12:35 pm IST