Gujarati News

(પ્રવિણ વ્યાસ દ્વારા)મોરબી,તા. ૧૦: તાજેતરમાં મુંબઈ ખાતે રાષ્ટ્રીય સ્તરની પેઈન્ટર ચેલેન્જ પ્રતિયોગીતા યોજાઇ હતી. જેમાં મોરબીના અબદેશસિંહ રાજપુત પ્રથમ નંબરે વિજેતા બની મહેન્દ્રસિંગ ધોનીના હસ્તે ઇનામ રૂપે બાઇક મેળવી સમગ્ર મોરબીનું નામ દેશમાં ગુંજતું કર્યું છે.

અબદેશસિંહ રાજપુતે નેશનલ લેવલની પેઇન્ટર ચેલેન્જ પ્રતિયોગીતા ઈન્ડિગો પેન્ટ કંપનીમાંથી લીધો હતો. આ પ્રતિયોગિતામાં ગુજરાતમાંથી એકમાત્ર મોરબીના અબદેશસિંહ રાજપુત પ્રથમ નંબરના વિજેતા જાહેર થયા હતા. અબદેશસિંહ રાજપુતે નેશનલ લેવલની પ્રતિયોગિતામાં ગુજરાત રાજયનું અને સમગ્ર મોરબીનું ગૌરવ વધાર્યું છે. સાથે મોરબીમાં પટેલ કલર વર્લ્ડ શોપનું પણ ગૌરવ વધારેલ છે. આ પ્રતિયોગિતામાં સમગ્ર દેશમાંથી ૨૦ પેઈન્ટર વિજેતા બનેલ. જેમાં દરેક વિજેતાને ઈન્ડિગો પેન્ટ કંપની વતી ક્રિકેટર મહેન્દ્રસિંહ ધોનીનાં હસ્તે બાઈકની ચાવી આપી સન્માનિત કરાયા હતા. આ સમગ્ર કાર્યક્રમ મુંબઈના રાજકુમાર સ્ટુડિયોમાં યોજાયો હતો.