Gujarati News

Gujarati News

News of Tuesday, 10th December 2019

અન્ય સ્ત્રી સાથે આડા સબંધ હોવાથી પત્નીને છૂટાછેડા માટેનું કહેતા દવા પીધી

દ્વારકાની પરિણિતા સારવારમાં: સસરાએ જમાઇ વિરૂધ્ધ ફરીયાદ નોંધાવી

ખંભાળીયા તા. ૧૦ :.. દ્વારકામાં સાસરૂ ધરાવતી અને હાલ ખંભાળીયા તાલુકાના હંસ્થળ ગામે પિયરમાં રહેતી પરિણિતાના પતિને અન્ય સ્ત્રી સાથે આડા સબંધ હોવાથી હવે તું જોઇતી નથી છૂટાછેડા આપી દેવાનું જણાવતાં પરિણીતાએ ઝેરના પારખા કરી લેતા સારવાર માટે ખંભાળીયાની ખાનગી  હોસ્પીટલમાં ખસેડવામાં આવી છે.

બનાવ અંગે ખંભાળીયા મહિલા પોલીસ મથકમાં પરિણિતાના પિતા ભીમાભાઇ સાજણભાઇ આંબલીયા રહે. હંસ્થળ એ નોંધાવેલી ફરીયાદમાં જણાવ્યું છે કે, પિતાની પુત્રીના લગ્ન દ્વારકામાં અખિલ ભારતીય આહિર સમાજની વાડી ભદ્રકાલી ચોકમાં રહેતા દેવશી ડાડુભાઇ કરંગીયા સાથે કરવામાં આવ્યા હતાં. લગ્નના ત્રણેક મહિના બદ જમાઇ દેવશીને અન્ય કોઇ સ્ત્રી સાથે આડા સબંધ હોવાથી પુત્રીને શારીરિક માનસીક આપી તું તારા બાપના ઘરે ચાલી જા તેમ કહી અવાર-નવાર મારકુટ કરી અહીયા રહીશ તો જાનથી મારી નાખીશ તેમ ધમકી આપતાં બે મહિનાથી ઘરે પરત આવી જતાં જમાઇએ ફોન કરી જણાવેલ કે તું મને ગમતી નથી. આપણે છૂટાછેડા લઇ લેવા છે. આથી પતિના ત્રાસથી કંટાળી ઝેરી દવા પી લેતા સારવાર માટે ખંભળીયાની ખાનગી હોસ્પીટલમાં દાખલ કરવામાં આવી છે. ફરીયાદના પગલે પતિ દેવશી ડાડુભાઇ કરંગીયા વિરૂધ્ધ ફરીયાદ નોંધી આગળની તપાસ હાથ ધરી છે.

(1:14 pm IST)
  • કાશ્મીરમાં ઇન્ટરનેટ શરૂ કરવા અમેરીકી સંસદમાં ઠરાવ મુકાયો!! :૨૫ હજારથી વધુ ભારતીય અમેરીકનોએ ઇ-મેઇલ કરી ઉગ્ર વિરોધ કર્યોઃ કાયદો નહિ બની શકે access_time 1:09 pm IST

  • લાંચ પ્રકરણમાં સંડોવણી બાદ સુરત કોંગ્રેસની આકરી કાર્યવાહી : મહિલા કોર્પોરેટર કપિલા પટેલને પાર્ટીમાંથી સસ્પેન્ડ કરાયા : લાંચ પ્રકરણ અંગે શહેર કોગ્રેસ દ્વારા પ્રદેશ કક્ષાએ જાણ કરાઈ : પ્રદેશકક્ષાએથી મળેલ નિર્દેશ મુજબ શહેર પ્રમુખે કપિલા પટેલને કર્યા સસ્પેન્ડ access_time 10:57 pm IST

  • પી.પી.એફ.અને નાની બચત યોજનાઓ ઉપર મળતા વ્યાજમાં ઘટાડો કરો : RBI નું કેન્દ્ર સરકારને સૂચન : પોસ્ટ ઓફિસમાં મળતા વધુ વ્યાજને કારણે બેંકોની ડિપોઝીટ ઘટી રહી છે : સસ્તી લોન આપવામાં મુશ્કેલી access_time 12:43 pm IST