Gujarati News

Gujarati News

News of Wednesday, 10th February 2021

જૂનાગઢના સિમેન્ટ ક્રોંક્રીટના જંગલમાં સાવજના ધામા - ફફડાટ

સરદારપરા બાદ હોટેલમાં પણ પહોંચ્યો સિંહ

(વિનુ જોષી દ્વારા) જૂનાગઢ તા. ૧૦ : જૂનાગઢના સિમેન્ટ ક્રોંક્રીટના જંગલમાં સાવજે ધામા કર્યા હોય તેમ સરદારપરા બાદ હોટેલમાં પણ સિંહે દેખા દેતા લોકોમાં ડર સાથે ફફડાટ વ્યાપી ગયો છે.

જંગલ છોડીને રેવન્યુ વિસ્તારમાં વન્ય પ્રાણીઓના આંટાફેરા વધી ગયા છે અને હવે સિંહો શહેરના સિમેન્ટ ક્રોંક્રીટના જંગલમાં પણ પહોંચવા લાગ્યા છે.

તાજેતરમાં જૂનાગઢના સરદારપરાના રહેણાંક વિસ્તારમાં એક વનરાજે વહેલી સવારે આંટાફેરા કર્યા હતા. જેની શાહી હજુ સુકાઇ નથી ત્યાં મજેવડી દરવાજા પાસે આવેલ હોટેલ સરોવર પોર્ટીકો સુધી એક સિંહ પરોઢીયે પહોંચ્યો હતો.

મેઇન રોડ પાર કરીને હોટેલના મેઇન ગેઇટને કુદી સિંહ હોટેલના કમ્પાઉન્ડમાં પ્રવેશ્યો હતો અને હોટેલ પરિસરમાં ૪૨ સેકન્ડ સુધી લટાર મારી એ જ રસ્તે પરત જતો રહ્યો હતો. આ ઘટના સીસીટીવીમાં કેદ થઇ હતી.

(1:02 pm IST)
  • રાજકોટ જીલ્લા પંચાયતની ૩૬ બેઠકોમાં ફોર્મ ભરવાના શ્રીગણેશ : આજે બપોરે અઢી વાગ્યે રાજકોટ જીલ્લા પંચાયતની ૧૪ - કસ્તુરબાધામ બેઠક ઉપર બીએસપીએ ઝૂકાવ્યુ છે : પક્ષમાં કરશનભાઈ લક્ષ્મણભાઈ પરમારે રીટર્નીંગ ઓફીસર ચરણસિંહ ગોહીલ સમક્ષ ફોર્મ રજૂ કર્યુ હતું : રાજકોટ જીલ્લા પંચાયત ચૂંટણીમાં બસપાએ ખાતુ ખોલાવ્યુઃ ૧ ફોર્મ ભરાયું : જીલ્લા પંચાયતની ચૂંટણી માટે આજે ૧૪-કસ્તુરબાધામ (ત્રંબા)માંથી બસપાના કરશનભાઈ લક્ષ્મણભાઈ પરમારે ફોર્મ ભર્યુ access_time 3:56 pm IST

  • મહારાષ્ટ્ર: થાણે (વેસ્ટ) ના મુલુંડ ચેક નાકા પાસે મોડેલ્લા કોલોનીમાં મોદી સાંજે ભયંકર આગ ફાટી નીકળી છે. ટ્રાફિક પોલીસ અધિકારીઓ અને અગ્નિશમન તંત્રે સ્થળ પર પહોંચીને બચાવ કામગીરી ચાલુ કરી છે. હજી સુધી કોઈ જાનહાનિના અહેવાલ થઈ નથી. access_time 9:15 pm IST

  • અધીર રંજન વિરૂધ્ધ વિશેષાધીકાર ભંગનો ઠરાવ સંસદમાં મૂકાયો : ગ્રેગ થનબર્ગ ઉપર નિવેદન કરવા અંગે ભાજપના સાંસદ પી.પી.ચૌધરીએ કોંગ્રેસના સાંસદ અધીર રંજન ચૌધરી વિરૂધ્ધ વિશેષાધીકાર ભંગની દરખાસ્ત લોકસભામાં રજૂ કરી છે. access_time 11:29 am IST