Gujarati News

રાજકોટ તા.૯: રાજકોટ સહિત સૌરાષ્‍ટ્ર-કચ્‍છમા ઠંડીમાં વધઘટ સાથે ઠંડીના ચમકારાના અનુભવ થઇ રહ્યો છે અને ગિરનાર પર્વત ઉપર સૌથી પર્વત ઉપર સૌથી વધુ ૮.૯ ડિગ્રી લઘુતમ તાપમાન નોંધાયુ છે.

આ ઉપરાંત નલીયા ૧૧.૪, ન્‍યુકંડલા ૧૨.૫, રાજકોટ ૧૩.૨, જુનાગઢ ૧૩.૯, જામનગર ૧૪.૦, ડિગ્રી લઘુતમ તાપમાન નોંધાયુ છે.

જુનાગઢ

 જુનાગઢઃ સોરઠમાં આજ પણ ઠંડીનું મોજુ ફરી વળતા લોકો ઠુઠવાયા હતા. ગિરનાર પર્વત ૮.૯ ડિગ્રી તાપમાનથી ઠંડોગાર થઇ ગયો છે.

છેલ્લા બે દિવસથી સવારના તાપમાનમાં ઘટાડો થઇ રહ્યો છે આજે જુનાગઢ ખાતે લઘુતમ તાપમાન ૧૩.૯ ડિગ્રી નોંધાયુ હતું જેને લઇ ઠંડીનો લોકોએ અનુભવ કર્યો હતો.

જુનાગઢના ગિરનાર ખાતે ૮.૯ ડિગ્રી ઠંડી રહેતાં પર્વતીય વિસ્‍તારમાં કાશ્‍મીર જેવુ વાતાવરણ રહ્યુ હતું.

સવારે વાતાવરણમાં ભેજનું પ્રમાણ ૭૮ ટકા રહેતા ઠંડીની અસર લેવડાઇ હતી સવારના પવનની પ્રતિ કલાકની ઝડપ ૨.૭ કિમીની રહી હતી.

જામનગર

) જામનગરઃ આજનું હવામાન ૨૮ મહતમ,૧૪ લઘુતમ, ૫૫ ટકા વાતાવરણમાં ભેજનું પ્રમાણ ૬.૩ પ્રતિ કલાક પવનની ગતિ રહી હતી.

કયાં કેટલો ભેજ-લઘુતમ તાપમાન