Gujarati News

Gujarati News

News of Saturday, 9th June 2018

ઉના નગરપાલિકા પ્રમુખ પદે કાળુભાઇ રાઠોડ તથા ઉપપ્રમુખ પદે ચંદ્રેશભાઇ જોષીની વરણી

ઉના તા.૯: નગરપાલિકામાં ભાજપ સાશીત બોડીમાં આવતા અઢી વરસ માટે પ્રમુખ-ઉપપ્રમુખની વરણી કરવા નગરપાલિકાના સભાખંડમાં પ્રાંત અધિકારીનાં અધ્યક્ષ સ્થાને મીટીંગ બોલાવી હતી. હાલ નગરપાલિકાની ૩૬ બેઠક પૈકી ૩૪ બેઠક ભાજપ પાસે તથા એક બેઠક કોંગ્રેસ પાસે છે. એક નગર સેવક દાદા બાનુ શેેખે રાજીનામુ આપતા  ખાલી પડેલ છે. ઉના શહેરને છેલ્લા ૧૫ વરસથી વિકાસ સુવિધા રોડ રસ્તા, બગીચાનું નિર્માણ કરેલ લોકપ્રિય પુર્વ ધારાસભ્ય અને નગરસેવક કાળુભાઇ ચનાભાઇ રાઠોડ ની સર્વાનુમતે પ્રમુખ તરીકે તથા ઉપપ્રમુખ તરીકે ઉના સમસ્ત બ્રહ્મ સમાજ નાં આગેવાન ચંદ્રેશભાઇ (રાધે) એન. જોષીની વરણી કરાતા કાર્યકરો બ્રહ્મ સમાજમાં આનંદ છવાયો હતો. અને સરદાર વલ્લભભાઇ પટેલ તથા બાબા સાહેબ આંબેડકરજીને ફુલહાર પહેરાવી નગરજનોને વધુ સુખ, સુવિધા આપી લોકાભિમુખ વહીવટ કરવા નવા ચૂંટાયેલા હોદેદારોએ વચન આપ્યું હતું.

(11:41 am IST)
  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST

  • અમદાવાદ : સીએમએસ ઇન્ફોસિસ્ટમ લિમિટેડના કર્મચારીએ 1 કરોડ 39 લાખની કરી ઉચાપત : કંપની શહેરમાં એટીએમ મશીનમાં નાણાં લોડ કરવાનું કામ કરે છે, જેમાં આરોપી પુર્વિશ ચૌધરી કસ્ટોડિયન તરીકે નોકરી કરતો હતો : ઓડિટ સમયે વાહનમાં પંચર થયું હોવાનું બહાનું કરી આરોપી થઇ ગયો ફરાર access_time 12:43 pm IST

  • મુશર્રફનો પાસપોર્ટ-પાકિસ્તાની ઓળખપત્ર સસ્પેન્ડઃ દુબઇમાં રહેવુ ગેરકાનુની થઇ જશેઃ વિદેશયાત્રા પણ કરી શકશે નહિ access_time 4:18 pm IST