Gujarati News

Gujarati News

News of Saturday, 9th June 2018

ઉનામાં ખેડુતોને પોષણક્ષમ ભાવ, વીજળી, જમીન સંપાદનમાં અન્યાયઃ કોંગ્રેસ દ્વારા આવેદનપત્ર

ઉના તા.૯: ઉના-ગીરગઢડા તાલુકા કોંગ્રેસ સમિતિ દ્વારા ખેડુતોની ઉપર તથા અન્ય પોષણક્ષમ ભાવ, તથા વીજળી, જમીન સંપાદન માં થતો અન્યાય બાબતે આવેદન પત્ર આપી ખેડુતોને સધ્ધ્ર કરવા માંગણી કરી હતી.

ઉના તાલુકા કોંગ્રેસ સમિતિ ના પ્રમુખ રામભાઇ ડાભીની આગેવાની હેઠળ ઉના નાં ધારાસભ્ય પુંજાભાઇ વંસ, ગોવિંદભાઇ સોલંકી, યોગેશભાઇ બાંભણીયા, ગુણવંતભાઇ તળાવીયા, કાનજીભાઇ સાંખટ, તથા ઉના ગીરગઢડા તાલુકાના ખેડુતો મોટી સંખ્યામાં ભેગા થઇ ઉના મામતલદાર કચેરીએ તથા ગીરગઢડા મામલતદાર કચેરીએ આવેદનપત્ર આપી રજુઆત કરી હતી કે ગુજરાત નો ખેડુત બિચારો થતો જાય છે. સરકાર ટેકાના ભાવ જાહેર કરે છે. ખરીદ કરીત નથી, ખેડુતો મોંઘા ભાવના બીયારણ, ખાતર, જંતુનાશક દવા છાંટીને ખેતીનો પાક લે છે. પરંતુ વીજળી પુરા દબાણ થી ૮ કલાક પણ ન આવતા પાક નિષ્ફળ જાય છે. પાકવિમો ચુકવવામાં મશ્કરી કરાય છે. ખેડુતો ની જમીન સરકાર ૨૦૧૩મના કાયદાનો અમલ કરી વધુમાં વધુ વળતર આપવા, રાજયસરકાર વિકાસના નામે ખેડુતોની જમીન ખાનગી કંપની ને રાહતભાવે આપીને ઉદ્યોગોને ફાયદો કરાવે છે. ખેડુત દિવસે ને દિવસે ગરીબ થતો જાય છે. દેણું-કરજ વધી જતાં આત્મહત્યા કરવી પડે છે.વર્તમાન ગુજરાત સરકારને સધ્ધર તથા આર્થિક પગભર કરવા નિયમિત વીજળી, પાકનાં વધુ ભાવ આપવા, ખાતર, બિયારણ જંતુનાશક દવામાં રાહત આપે તેવી માંગણી કરી હતી.

(11:41 am IST)
  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • એક સેટમાં પાછળ રહ્યાં બાદ રોમાનિયાની સિમોના હાલેપે શાનદાર કમબેક કરતા સ્લોએને સ્ટીફન્સને ફ્રેન્ચ ઑપનની ફાઈનલમાં હરાવી પહેલું ગ્રાન્ડસ્લેમ પોતાના નામે કર્યું. દુનિયાની નંબર 1 ખેલાડી હાલેપે બે કલાક અને ત્રણ મિનિટ ચાલેલી આ મેચમાં 3-6, 6-4, 6-1થી જીત મેળવી. અગાઉ હાલેપ ત્રણ ગ્રાન્ડસ્લેમ ફાઈનલમાં હારી ચૂકી છે જેમાં બે વખત રોલેન્ડ ગેરો પર મળેલી હાર પણ શામેલ છે. access_time 2:38 am IST