Gujarati News

Gujarati News

News of Saturday, 9th June 2018

કોડીનારમાં ડોળાસા ગામે યુવાને ગળા ફાંસો ખાઇ જીવાદોરી કાપી

પ્રકાશના અંતિમ પગલાથી પરિવારમાં અરેરાટી : કારણ અકબંધ

કોડીનાર તા ૯ : તાલુકાના ડોળાસા ગામે કોઇ અગમ્ય કરણોસર યુવાને ગળાફાંસો ખાઇ જીવાદોરી કાપી નાખતા તેના પરિવારજનોમાં કલ્પાંત પ્રસર્યો છે.

વિગત મુજબ ડોળાસા ગામે રહેતા પ્રકાશ લખમણભાઇ નામના યુવકે ગઇકાલે બપોરે એકદ વાગ્યે પોતાના ઘરે અંદરથી દરવાનો બંધ કરી પંખામાં દોરી બાંધી લટકી જઇ ગળેફાંસો ખાઇ લીધો હતો. આ અંગેની જાણ થતા પરીવારજનોએ તાત્કાલીક દરવાજો તોડી પ્રકાશને નીચે ઉતારી કોડીનાર ના સરકારી દવાખાને ખસેડાયો હતો જયાં ફરજપરના તબીબે મૃત જાહેર કર્યો હતો. પોલીસે જરૂરી કાગળો કરી આત્મહત્યા પાછળનું કારણ જાણવા તપાસ આગળ ધપાવી છે.

(11:30 am IST)
  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST

  • સીરિયાના બળવાખોર કબ્જાગ્રસ્ત ઇદ્લીબ પ્રાંતના એક ગામ પર રશિયાએ ફરી કર્યા ઘાતક હવાઈ હુમલાઓ : ૬ બાળકો સહિત લગભગ ૪૪ લોકોના મોત થયાનું બહાર આવ્યું : જોકે રશિયાએ આ વાતનો રદિયો આપતાં કહ્યું છે કે તેમણે આ હુમલાઓ નથી કર્યા access_time 12:37 pm IST

  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST