Gujarati News

Gujarati News

News of Friday, 9th March 2018

તાલાલાના કોંગ્રેસના ધારાસભ્ય ભગવાનભાઇ બારડના ભત્રીજાની બાદલપરામાં અંતિમવિધી

વેરાવળ-પ્રભાસ પાટણ તા. ૯ :.. વેરાવળ તાલુકાનાં બાદલપરા ગામનાં સ્વ. જશુભાઇ બારડ અને તાલાલાનાં ધારાસભ્ય ભગવાનભાઇ બારડનાં ભત્રીજા તેમજ રામભાઇ બારડના પુત્ર રાહુલભાઇ બારડનું કાર સળગી જવાથી મૃત્યુ થયેલ છે.

રામભાઇ બારડને એક જ પુત્ર છે અને અકસ્માતમાં મૃત્યુ બાદ મૃતદેહને કાલે સાંજે બાદલપરા ગામે લાવવામાં આવેલ અને ત્યાંથી તેમની સ્મશાન યાત્રા નિકળેલ હતી.

ત્યારે નાનકડુ બાદલપરા ગામ અને આજુ બાજુનાં વિસ્તારનાં લોકો શોકમય બન્યા હતાં. અનેક રાજકીય અગ્રણીઓ અને વિશાળ સંખ્યામાં લોકો જોડાયા હતાં. અને શ્રધ્ધાંજલી અર્પણ કરી હતી.

સોમવારે બેસણુ

બાદલપરા નિવાસી રામભાઇ ધાનાભાઇ બારડના પુત્ર રાહુલ (ઉ.ર૧) તે સ્વ. જશુભાઇ બારડ, ભગવાનભાઇ બારડ (ધારાસભ્ય તાલાલા), કાળાભાઇ, ગોવિંદભાઇના ભત્રીજાનું તા. ૮ ના અવસાન થયેલ છે. બેસણું તા. ૧ર ને સોમવારે સવારે ૮ થી સાંજે પ બાદલપરા મુકામે રાખેલ છે.

(11:37 am IST)
  • સુપર સ્ટાર રજનીકાંત સાથે જોવા મળેલ કૂતરાને ખરીદવા માટે ૨ કરોડ જેટલી જંગી રકમ આપવા ચાહકો તૈયાર access_time 5:54 pm IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST