Gujarati News

Gujarati News

News of Thursday, 8th March 2018

મહુવામાં કાલથી બે દિવસીય 'શિક્ષણ પર્વ-ર'

પૂ. મોરારીબાપુના સાંનિધ્યમાં 'શૈક્ષણિક જયોત'ને ઝળહળાવતા વિવિધ વકતવ્યો-વ્યાખ્યાનો

કુંઢેલી, તા. ૮ : મહુવા ખાતે કૈલાસ ગુરૂકુળમાં ગુજરાતી કેળવણી પરિષદ-અમદાવાદ દ્વારા પૂ. મોરારીબાપુના સાંનિધ્યમાં આવતીકાલે શુક્રવારથી બે દિવસીય શિક્ષણ પર્વ-ર ધામધૂમથી ઉજવાશે.

ઇન્દુલાલ યાજ્ઞિકે ૧૯૧પમાં સ્થાપેલી ગુજરાતી કેળવણી પરિષદના શિક્ષણ પર્વમાં ગાંધીજીનો શિક્ષણ વિચાર, સામાન્ય વિદ્યાલયોમાં એનો વિનિયોગ, શિક્ષણ દ્વારા સંવેદનશીલતાનો વિકાસ, શિક્ષક-વિદ્યાર્થી, સબંધ, કાર્ય-કૌશલ્ય, ઉદ્યોગ, નવી નજર, શિક્ષકના અનુભવ કથન અને મારા વિદ્યાલયની ગુણવતા વધારવાની મારી યોજના વિશે શિક્ષકો રજૂઆત કરશે.

આ પ્રસંગે અનિલ સદ્ગોપાલ, રતિલાલ બોરીસાગર, વૈશાલીબેન શાહ, ચંદ્રકાંત વ્યાસ, મનસુખસલ્લા, ભદ્રાયું વચ્છરાજાણી, અરૂણભાઇ દવે, મહેન્દ્રભાઇ ભટ્ટ વગેરે વકતવ્યો-વ્યાખ્યાનો આપશે.

જયારે આવતીકાલે રાત્રે અરવિંદ બારોટ, મેઘાણી પુણ્યતિથિ નિમતે ગુજરાતના શ્રેષ્ઠ કવિઓની રચનાઓ લોક ઢાળમાં રજૂ કરશે. તો તા. ૧૦ના પર્વના સમાપનમાં પૂર. મોરારીબાપુ આશિર્વચન પ્રવચન પાઠવશે.

(1:09 pm IST)
  • માળીયા મિંયાણામા પાણીની ભારે તંગી : એક બેડા માટે ૩ કિ.મી. દૂર રઝળપાટ : મહિલાઓ અને પુરૂષોએ સાથે પીવાના પાણી ભરવા જવુ પડે છે : ઉનાળાના પ્રારંભે જ વિકટ પરિસ્થિતિ access_time 5:54 pm IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • INX મીડિયા કૌભાંડ કેસમાં કાર્તિ ચિદમ્બરમને વધુ ત્રણ દિવસની સીબીઆઈ રિમાન્ડ ઉપર સોંપવા અદાલતનો આદેશ access_time 12:03 am IST