Gujarati News

Gujarati News

News of Thursday, 8th March 2018

જોડીયાનાં ખેડૂતોમાં ભારે કચવાટઃમગફળી વેચાણની રકમ આપવામાં ઠાગાઠૈયા

જોડીયા તા. ૮ :.. માર્કેટ યાર્ડમાં તાલુકાની લખતર ખેત ઉત્પાદન ખરીદ વેચાણ સહકારી મંડળીમાં વેચાણ કરી હતી. જેમાંથી બે ભાઇઓના ખાતામાં વેચાણની રકમ જમા થઇ ગઇ હતી. જયારે મોટાભાઇના ખાતામાં હજી સુધી રકમ જમા થઇ નથી.

અઢી માસ થયા, રોજ બેંકમાં ધકકા ખાય રહ્યા છે. વેચાણ ધરાવતુ કૂપન નં. પ૬૪૪- તા. ૧૪-ર-૧૭, પત્રક ધરાવે છે. પાંચ કિલો મીટર દુર જોડીયા માર્કેટ યાર્ડમાં લખતર સહકારી મંડળીના કાર્યાલયમાં પુછપરછ કરતા મંડળી દ્વારા એક જ જવાબ સરકાર જયારે ગ્રાંટ ફાળવશે ત્યારે બાકી રહેલ રકમ ખાતામાં જમા થશે.

અઢી માસ સુધી ખેડૂતોને રકમ ન મળતી હોય તો ખેડૂતોને કફોડી સ્થિતિનો સામનો કરવો પડતો હોય છે. નાના ખેડૂતો માટે એક મોટી સમસ્યા ઉદભવી રહી છે. તાલુકાની લખતર સહકારી મંડળી ને ટેકાના ભાવે મગફળીની ખરીદ કરી રહી છે. તેની કાર્યશૈલીથી જોડીયાના એક ખેડૂતનું વેચાણ ની રકમ લીબુડાના એક ખેડૂતના ખાતામાં જમા થતા સહકારી મંડળીના કામકાજ પર પ્રશ્ન ઉભો થયો છે. જોડીયાના અુમક નાના ખેડૂતો આજે પણ વેચાણની રકમથી વંચિત રહેતા સરકાર અને જે તે વેચાણ કરતી સહકારી સંસ્થા સામે જોડીયા સહિત ગુજરાતના ખેડૂતોમાં અસંતોષ જોવાઇ રહ્યો છે.

(11:36 am IST)
  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • સુરેન્દ્રનગરના રળોલ ગામે સેન્ટ્રીંગનું કામ કરતા 7 મજૂરોને વીજશોક :એકનું મોત access_time 12:09 am IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST