Gujarati News

Gujarati News

News of Thursday, 8th April 2021

અમરેલીમાં ૪૧.૨ ડિગ્રી : સૌરાષ્ટ્ર - કચ્છમાં આકરો તાપ

મહત્તમ તાપમાનનો પારો સતત વધતા લોકો ગરમીથી ત્રાહીમામ : બપોરના સમયે રસ્તાઓ સુમસામ

રાજકોટ તા. ૮ : રાજકોટ સહિત સૌરાષ્ટ્ર - કચ્છમાં સર્વત્ર ધોમધખતા તાપ સાથે ઉનાળો બરાબરનો જામતો જાય છે અને લોકો પરસેવે રેબઝેબ થઇ રહ્યા છે.

મહત્તમ તાપમાનનો પારો સતત વધતા લોકો ગરમીથી ત્રાહીમામ પોકારી ગયા છે. ગઇકાલે સૌથી વધુ મહત્તમ તાપમાન ગઇકાલે અમરેલીમાં ૪૧.૨ ડિગ્રી નોંધાયું હતું.

દરમિયાન રાજ્યમાં કાલે અમરેલીમાં ૪૧.૫ ડિગ્રી, રાજકોટમાં ૪૧.૫ ડિગ્રી, ગાંધીનગરમાં ૪૧ ડિગ્રી, અમદાવાદમાં ૪૦.૯ ડિગ્રી, ડિસામાં ૪૦.૧ ડિગ્રી, વડોદરામાં ૪૦.૭ ડિગ્રી, જામનગરમાં ૩૫.૭ ડિગ્રી, કંડલા એરપોર્ટનું મહત્તમ તાપમાન ૪૦.૮ ડિગ્રી નોંધાયું હતું. બીજી તરફ હજુ આગામી શનિવાર અને રવિવાર બે દિવસ પોરબંદર અને ગીર-સોમનાથમાં હીટવેવની સ્થિતિ રહેશે એવી હવામાન ખાતા દ્વારા આગાહી કરવામાં આવી છે. અમદાવાદ શહેરમાં મહત્તમ તાપમાનનો પારો ગઇકાલે ૪૦.૯ ડિગ્રી નોંધાયું છે, જ્યારે લઘુત્તમ તાપમાન ૨૪.૭ ડિગ્રી નોંધાયું છે.

શહેરમાં સવારથી જ ગરમીની શરૂઆત થઇ જાય છે. બપોરના સમયે તો ચામડી દઝાડતી ગરમીનો અહેસાસ થવા લાગે છે. હજુ આગામી દિવસોમાં અમદાવાદ શહેરનું તાપમાન ઉંચકાશે એવું હવામાન - નિષ્ણાંતો જણાવી રહ્યા છે.

બીજી તરફ, મોડી રાત્રે ઠંડીનો અહેસાસ પણ થાય છે. રાત્રે ઠંડો પવન ફુંકાતા લોકો રાહત અનુભવી રહ્યા છે ત્યારે તંત્રએ નાગરિકોને કામ વગર ઘરની બહાર ન નીકળવા અપીલ કરી છે.

ગુજરાતમાં માર્ચ મહિનાના છેલ્લા સપ્તાહથી ઉનાળાની કાળઝાળ ગરમીની શરૂઆત થઇ ગઇ છે. છેલ્લા એક સપ્તાહથી રાજ્યના મોટા ભાગના શહેરોમાં ૪૦ ડીગ્રીથી વધુ તાપમાન નોંધાઇ રહ્યું છે. મંગળવારે રાજ્યના આઠ શહેરોમાં મહત્તમ તાપમાન ૪૦ ડિગ્રીથી વધુ નોંધાયું હતું.

હવામાન વિભાગે સૌરાષ્ટ્રના કેટલાક વિસ્તારોમાં બે દિવસ હીટવેવ સાથે રાજ્યમાં આગામી ૪૮ કલાક આકરા સાબિત થશે.

જામનગર

(મુકુંદ બદિયાણી દ્વારા) જામનગર : શહેરનું મહત્તમ તાપમાન ૩૫.૭ ડિગ્રી, લઘુત્તમ ૨૪.૫ ડિગ્રી, હવામા ભેજ ૮૩ ટકા અને પવનની ઝડપ ૮.૭ કિ.મી. પ્રતિ કલાક રહી છે.

(1:03 pm IST)
  • ભાજપના વધુ એક ધારાસભ્યને કોરોના વળગ્યો : વડોદરા ભાજપના ધારાસભ્ય મનીષા વકીલને કોરોના પોઝિટિવ આવ્યો છે. access_time 4:14 pm IST

  • અમદાવાદમાં વધુ એક એસિડ એટેકની ઘટના : શારદાબેન હોસ્પિટલમાં લેબ ટેક્નિશયન પર એસિડ એટેક : શહેરકોટડા વિસ્તારમાં રહેતા એક શખ્શે બ્લડ ડોનેટ કરવા બાબતે તકરાર કરી હોસ્પિટલના લેબ ટેક્નિશિયન એસિડ એટેક કર્યો : હુમલો કરનાર વ્યક્તિ પ્રકાશ સોલંકી અનેક વખત બ્લડ ડોનેટ કરવા આવતો હતો ; સમગ્ર ઘટના સીસીટીવીમાં કેદ access_time 12:44 am IST

  • ભુપેન્દ્રસિંહ ચુડાસમાને કોરોના પોઝીટીવ : ગુજરાત સરકારના વધુ ઍક પ્રધાનને કોરોના વળગ્યો : રાજયના શિક્ષણમંત્રી શ્રી ભુપેન્દ્રસિંહ ચુડાસમા કોરોના સંક્રમિત બનતા તેમને યુ. ઍન. મહેતા હોસ્પિટલમાં દાખલ કરવામાં આવ્યા છે access_time 11:58 am IST