Gujarati News

Gujarati News

News of Monday, 8th March 2021

અમરેલીમાં રાધેશ્યામ બાયપાસથી ગાવડકા ચોકડી સુધીના રસ્તાનું કામ શરૂ કરાવતા નારણભાઇ કાછડીયા

(અરવિંદ નિર્મળ દ્વારા)અમરેલી, તા., ૮: નેશનલ હાઇવે ઓથોરીટી ઓફ ઇન્ડીયા હસ્તકનો અમરેલી રાધેશ્યામ બાયપાસથી ગાવડકા ચોકડી સુધીના માર્ગ જર્જરીત હોવાને લીધે વાહન ચાલકો અને લોકોને ખુબ જ મુશ્કેલીઓ પડી રહી હતી જે અંગે અમરેલીના સાંસદ નારણભાઇ કાછડીયાએ ઉચ્ચકક્ષાએ રજુઆત કરી તાત્કાલીક પેચવર્કનું કામ મંજુર કરાવી ચાલુ કરાવેલ છે.

મહુવા-સાવરકુંડલા-અમરેલી-બગસરા-જેતપુર માર્ગને નેશનલ હાઇવે તરીકેની સરકારશ્રી તરફથી મંજુરી મળતા માર્ગ અને મકાન વિભાગ સ્ટેટ હસ્તકનો અમરેલી રાધેશ્યામ બાયપાસથી ગાવડકા ચોકડી સુધીનો રોડ નેશનલ હાઇવે ઓથોરીટી ઓફ ઇન્ડીયાને સોંપવામાં આવેલ. જેના લીધે જીલ્લાના અન્ય માર્ગોના પેચવર્ક કામ સમયે આ ટુકડો બાકી રહી જવા પામેલ હતો.

સાંસદ નારણભાઇ કાછડીયાએ એન.એચ.એ.આઇ.ના કાર્યપાલક ઇજનેર શ્રી પટેલ અને નાયબ ઇજનેરશ્રી સોલંકીને જરૂરી સુચનાઓ આપી તાત્કાલીક રાધેશ્યામ બાયપાસથી ગાવડકા ચોકડી સુધીના જર્જરીત રોડ ઉપર પેચવર્ક કામ ચાલુ કરાવેલ છે.

(1:12 pm IST)
  • ૧૯૦૯માં જન્મેલ સુમતિ મોરારજી ૧૯પ૭માં શીપ ઓનર્સ એસોસીએશનના પહેલા પ્રમુખ બન્યા હતા. ૧૯૭૦માં તે વર્લ્ડ શીપીંગ ફેડેરશનના ઉપપ્રમુખ તરીકે પણ ચૂંટાયા હતા. access_time 3:01 pm IST

  • આંતરરાષ્ટ્રીય મહિલા દિવસ વિશેષ : રૂઢિચુસ્ત બંધનોને તોડીને 24 વર્ષીય મેહરીન અમીન કાશ્મીરની પ્રથમ મહિલા ફિટનેસ ટ્રેનર અને જીમ માલિક બની : તે હવાલ વિસ્તારની ઇસ્લામીયા કોલેજ પાસે ‘ફિટનેસ હબ હેલ્થકેર સેન્ટર’ જીમ ચલાવી રહી છે access_time 9:38 pm IST

  • મહારાષ્ટ્રમાં કોરોના આંક ૧૧ હજારને ટપી ગયો, એકલા પુણેમાં કોરોના આંક બે હજારથી વધુ થયો, મુંબઈ અને નાગપુરમાં તેરસો-તેરસો નવા કેસ નોંધાયા: પંજાબમાં ૧ હજાર ઉપર નવા કોરોના કેસ: ગુજરાતમાં આંકડો પોણા છસ્સો ઉપર રહ્યો, ૪ મહાનગરો રાજકોટમાં ૫૮, વડોદરામાં ૭૦, સુરતમાં ૧૨૫ અને અમદાવાદમાં ૧૨૭ કોરોનાના નવા કેસ નોંધાયા: મહારાષ્ટ્ર, કેરળ અને પંજાબ ત્રણ રાજ્યોમાં 14 હજારથી વધુ નવા કેસો access_time 10:23 am IST