Gujarati News

Gujarati News

News of Wednesday, 8th January 2020

ચીખલીના સલિમ અને ભરત પર હળવદના સુરવદરમાં છરી-ધારીયાથી હીચકારો હુમલો

ભરતના બનેવીને પડોશી સાથે થયેલા ડખ્ખામં સમાધાનની વાત કરવા બંને મિત્રો જતાં ડખ્ખો

રાજકોટ તા. ૮: માળીયા મિંયાણા તાબેના ચીખલી ગામે રહેતાં સલિમ કરિમભાઇ કટીયા (ઉ.૩૯) અને તેના મિત્ર ભરત વિઠ્ઠલભાઇ સિતાપરા (ઉ.૨૨) પર હળવદના સુરવદર ગામે ધારીયા-છરીથી હુમલો કરતાં ભરતને મોરબી હોસ્પિટલમાં અને સલિમને રાજકોટ સિવિલ હોસ્પિટલમાં ખસેડાયો છે.

હોસ્પિટલ ચોકીના સ્ટાફે આ અંગે હળદવ પોલીસને જાણ કરી હતી. સલિમ છુટક મજૂરી કરે છે. તેના કહેવા મુજબ તેના મિત્ર ભરત કોળીના બનેવી સુરવદર ગામે રહે છે. તેને તેના પડોશી સાથે માથાકુટ થઇ હોઇ ભરત ત્યાં સમાધાનની વાત કરવા માટે  જતો હતો. પોતાને પણ સાથે આવવાનું કહેતાં પોતે પણ ત્યાં ગયો હતો. એ વખતે ભરતના બનેવીના સામેવાળા ધરમશીભાઇ કોળી સહિતના વાત-ચીત વખતે ઉશ્કેરાઇ ગયા હતાં અને ધારીયા-ધોકા-છરીથી હુમલો થતાં પોતાને અને ભરતને ઇજાઓ થઇ હતી. હળવદ પોલીસે વિશેષ તપાસ હાથ ધરી છે.

(11:39 am IST)
  • વડોદરામાં એનએસયુઆઈ કાર્યકરો અને પોલીસ વચ્ચે ઘર્ષણ : ૩૫થી વધુ કાર્યકરોની અટકાયત : અમદાવાદમાં એબીવીપીના કાર્યકરો દ્વારા થયેલ હુમલાના વિરોધ પ્રદર્શન માટે સરદાર પટેલ પ્રતિમા પાસે રેલી દરમિયાન એનએસયુઆઈના કાર્યકરો અને પોલીસ વચ્ચે ઘર્ષણ થયુ હતું access_time 5:18 pm IST

  • સેન્સેકસ ૬૯ ડાઉન સાથે ૪૦૭૯૯: નીફટી ૩૩ ડાઉન સાથે ૧૨૦૧૯: રૂપિયો ૭૧.૮૩ access_time 1:01 pm IST

  • અમદાવાદના અનુપમ ખોખરા માગઁ પર ખાનગી ડમ્પરએ બાઈકચાલકને અડફેટે લેતા ઘટનાસ્થળે મોત : અન્ય ઈજાગ્રસ્તને સારવાર માટે ૧૦૮ મારફત એલજી હોસ્પિટલમાં ખસેડાયો: પોલિસ કાફલો ઘટના પર પહોંચ્યો access_time 1:27 am IST