Gujarati News

Gujarati News

News of Friday, 7th December 2018

ધારીના ફાચરીયા ગામમાં દોઢ વર્ષના માસુમ 'દિપ'નો ચુલાની ઝાળે 'જીવનદિપ' બુઝાયો

રમતો હતો ત્યારે કેરોસીન કપડા પર ઢોળાયું, ચુલામાંથી ઝાળ લાગતાં ભડકોઃ રાજકોટ હોસ્પિટલમાં મોત

રાજકોટ તા. ૬: ધારીના ફાચરીયા ગામે ૧ાા વર્ષનો માસુમ બાળક રમતો-રમતો કાળનો કોળીયો બની ગયો હતો. રસોડામાં ચુલા પર રાખેલી કેરોસીનની બોટલ તેના કપડા પર ઢોળાતાં ચુલા પર પાણી ગરમ થતું હોઇ કેરોસીનવાળા કપડાને ઝાળ લાગી જતાં આ માસુમ ગંભીર રીતે દાઝી ગયો હતો. તેનું રાજકોટમાં મોત નિપજતાં કોળી પરિવારમાં શોક છવાઇ ગયો હતો.

જાણવા મળ્યા મુજબ ફાચરીયા ગામે રહેતાં અને ખેત મજૂરી કરી ગુજરાન ચલાવતાં  સંજયભાઇ જેરામભાઇ પાટડીયા (કોળી) અને નિર્મલાબેન સંજયભાઇ પાટડીયાનો પુત્ર દિપ (ઉ.૧ાા વર્ષ) ગત સાંજે ચારેક વાગ્યે ઘરમાં રમતો હતો ત્યારે રસોડામાં ચુલા પર પાણી ગરમ કરવા મુકાયું હતું. રમતો રમતો તે ચુલા પાસે ગયો ત્યારે અકસ્માતે કેરોસીનની બોટલ ઢોળાતાં દિપના કપડા કેરોસીનવાળા થઇ જતાં તે ચુલા નજીક હોઇ ઝાળ લાગી જતાં દાઝી ગયો હતો. તેને ધારી સારવાર અપાવી રાજકોટ સિવિલ હોસ્પિટલમાં ખસેડાયો હતો. પરંતુ અહિ રાત્રીના મોત નિપજ્યું હતું.

હોસ્પિટલ ચોકીના જગુભા ઝાલા અને રાજદિપસિંહ ચોૈહાણે કાગળો કરી ધારી પોલીસને જાણ કરી હતી. દિપ બે ભાઇ અને એક બહેનમાં સોૈથી નાનો હતો. લાડકવાયાના મોતથી પરિવારજનો શોકમાં ગરક થઇ ગયા હતાં. (૧૪.૬)

(11:49 am IST)
  • પીટર મુખર્જીની જામીન અરજીનો સીબીઆઈએ કર્યો વિરોધ :તેની સામે પર્યાપ્ત પુરાવા :મુખરજીએ દાખલ કરેલી અરજીમાં પોતે ગુન્હામાં સામેલ હોવાનો ઇન્કાર કર્યો હતો :સીબીઆઈએ જામીન અરજી અંગે કહ્યું કે પીટર ,શીના બોરનું અપહરણ અને હત્યાના જધન્ય અપરાધમાં સામેલ હતા અને તેની વિરુદ્ધ આરોપ સાબિત કરવા પૂરતા પુરાવા છે access_time 1:02 am IST

  • સોહરાબુદ્દીન એન્કાઉન્ટર કેસનો ૨૧મી ડિસેમ્બરે સ્પેશિયલ CBI કોર્ટમાં સંભળાવાશે ચુકાદો access_time 3:50 pm IST

  • સ્મૃતિ ઇરાનીનો મજાકિયો અંદાજ : ભગવાન મને ઉઠાવી લે : મને નહી મારા વજનને : સ્મૃતિ ઇરાનીની ઇન્સ્ટાગ્રામ એકાઉન્ટમાં તસ્વીર શેયરઃ તસ્વીરમાં પતિ જુબીન ઇરાની પણ સામેલ : પતિ જુબિન ઇરાનીએ મજાકમાં કહ્યુ આને પણ ઉઠાવી લ્યો : પતિ જુબીન ઇરાની પોસ્ટ પર કોમેન્ટ કરી : તે કયારેય ઇચ્છતા નથી એને ઉઠાવી લે : જીંદગીના ચઢાવ ઉતાર છેઃ કોઇ મને પૂછે, એમણે આગળ લખ્યુ મારા બાળકોની મા તમે બેહતરીન છોઃ સ્મૃતિ ઇરાનીએ આભાર માન્યો access_time 12:02 am IST