Gujarati News

Gujarati News

News of Friday, 7th December 2018

ભાવનગરમાં વ્યાજખોરો બેફામઃ પરિવારને ઘરમાં પુરીને અપહરણની ધમકી

અરૂણભાઈ દવેના ઘરે આવીને ધમકી આપનાર જસમત જસકાવાળા, અજય ભુદેવ સહિત ૯ સામે ફરીયાદ

ભાવનગર, તા. ૭ :. ભાવનગરમાં વ્યાજે રૂપિયા આપનાર શખ્સોએ પઠાણી ઉઘરાણી કરી વિપ્ર પરિવારના મકાનને મકાનમાં મહિલાઓ હોવા છતા બહારથી તાળુ આપી ગાળો આપી, બાળકોનું અપહરણ કરવાની ધમકી આપતા પોલીસ દોડી ગઈ હતી. આ અંગે વ્યાજખોર શખ્સો સામે ગુન્હો નોંધી પોલીસે તપાસ હાથ ધરી છે.

આ બનાવની વિગતો એવી છે કે, શહેરના બોરતળાવ વિસ્તારમાં આવેલ મહાવીર સોસાયટીના પ્લોટ નં. ૧૮-એ માં રહેતા અરૂણભાઈ દવેના મકાનમાં ૯ થી ૧૦ શખ્સોએ ધસી આવીને અરૂણભાઈના પુત્રો ભવદીપ અને ચેતને વ્યાજે લીધેલા નાણાની પઠાણી ઉઘરાણી કરી અરૂણભાઈના પરિવારના મહિલા સભ્યો મકાનમા હોય બહારથી તાળુ મારી ગાળો આપી ધમકી આપી, પુત્રોનું અપહરણ કરવાની ધમકી આપી નાસી છૂટયા હતા.

આ અંગે પોલીસને જાણ થતા પોલીસ બનાવ સ્થળે દોડી આવી હતી અને તાળુ તોડી મહિલાઓને મુકત કરી હતી. આ બનાવ અંગે હરસિદ્ધિબેન દિપકભાઈ મહેશભાઈ દવે એ ડી-ડિવીઝન પોલીસ સ્ટેશનમાં જસમતભાઈ જસકાવાળા, અજય ભુદેવ, કાળા શર્ટવાળા સહિતક અજાણ્યા ૯ થી ૧૦ શખ્સો વિરૂદ્ધ ફરીયાદ નોંધાવતા પોલીસે ગુન્હો નોંધી વધુ તપાસ હાથ ધરી છે.

ઉલ્લેખનીય છે કે, ભાવનગરમાં વ્યાજખોરો બેખોફ બન્યા છે અને દાદાગીરી કરી વ્યાજે નાણા લેનાર પાસે પઠાણી ઉઘરાણી કરી રહ્યા છે. આ બનાવથી તપાસ ડી-ડિવીઝન પોલીસ સ્ટેશનમાં પીઆઈ એસ.પી. અગ્રાવત ચલાવી રહ્યા છે.(૨-૧૧)

(11:40 am IST)
  • વડોદરા :સ્કૂલ કમ્પાઉન્ડમાં સ્કૂલવાનમાં આગ :સ્કૂલવાનમાંથી વિદ્યાર્થીઓને ઉતારી લેવાયા :સદનસીબે કોઈ અનિચ્છનીય ઘટના ન બની :પાદરા ફાયરવિભાગે આગ પર કાબૂ મેળવ્યો :પાદરાની ડી.ડી. પટેલ શારદા હાઈસ્કૂલની ઘટના access_time 3:30 pm IST

  • પીટર મુખર્જીની જામીન અરજીનો સીબીઆઈએ કર્યો વિરોધ :તેની સામે પર્યાપ્ત પુરાવા :મુખરજીએ દાખલ કરેલી અરજીમાં પોતે ગુન્હામાં સામેલ હોવાનો ઇન્કાર કર્યો હતો :સીબીઆઈએ જામીન અરજી અંગે કહ્યું કે પીટર ,શીના બોરનું અપહરણ અને હત્યાના જધન્ય અપરાધમાં સામેલ હતા અને તેની વિરુદ્ધ આરોપ સાબિત કરવા પૂરતા પુરાવા છે access_time 1:02 am IST

  • પેરિસમાં વિરોધ પ્રદર્શનને પગલે એફિલ ટાવર પ્રવાસીઓ માટે બંધ કરાયો :છેલ્લા એક દાયકામાં સૌથી ખરાબ હિંસાના માહોલને ધ્યાને લઈને ફ્રાન્સની સુરક્ષા વ્યવસ્થા મજબૂત કરવા પોલીસની સંખ્યા 65 હજારથી વધારીને 89 હજાર કરી દેવાઈ access_time 12:45 am IST