Gujarati News

Gujarati News

News of Saturday, 7th July 2018

ગાંધીનગર નજીક પુરઝડપે જતી કારે બાઇકને હડફેટે લેતા આધેડનું મોત: મહિલાને ઇજા

ગાંધીનગર: શહેર તેમજ આસપાસના માર્ગો ઉપર અકસ્માતની ઘટનાઓ વધી રહી છે ત્યારે ગઈકાલે શહેરના ખ- માર્ગ ઉપર પુરઝડપે જતી ઈનોવા કારે બાઈક સવાર દંપતિને અડફેટે લીધું હતું જેમાં ગંભીર રીતે ઘવાયેલા આ દંપતિને સારવાર હેઠળ ગાંધીનગર સિવિલ હોસ્પિટલ લઈ જવાયા હતા. જ્યાંથી ઘાયલ પતિને સારવાર માટે અમદાવાદ સિવિલ ખસેડાયા હતા જ્યાં તેમનું મોત નીપજયું હતું. આ અંગે સે-૭ પોલીસે કાર ચાલક સામે ગુનો નોંધ્યો છે.

આ ઘટના અંગે મળતી વિગતો પ્રમાણે ગાંધીનગર શહેર નજીક આવેલા સરગાસણમાં મકાન નં.૧૦ર, સત્યમેવ ફેમોસામાં રહેતાં હિતેશભાઈ રમેશભાઈ પટેલ લીફટ રીપેરીંગનો કોન્ટ્રાકટ રાખે છે તેમના પિતા રમેશભાઈ ગોરધનભાઈ પટેલ અને તેમના માતા જાગૃતિબેન તેમની સાથે રહે છે. ગઈકાલે બપોરના સમયે રમેશભાઈ અને જાગૃતિબેન તેમનું બાઈક નં.જીજે-૧૩-ડીડી-૬૪૪૧ લઈને ખ-રોડ ઉપરથી પસાર થઈરહયા હતા તે દરમ્યાન ખ-ર પાસે પાછળથી ઈનોવા કાર નં.જીજે-૯-બીસી-૮૧૯૦ના ચાલકે રમેશભાઈના બાઈકને જોરદાર ટક્કર મારી હતી. જેથી રમેશભાઈ અને તેમના પત્નિ જાગૃતિબેન ગંભીર રીતે ઘવાયા હતા. અકસ્માત જોઈ આસપાસના લોકો પણ ત્યાં એકઠા થઈ ગયા હતા. ઘાયલ દંપતિને તાત્કાલિક સારવાર માટે ગાંધીનગર સિવિલ ખસેડવામાં આવ્યું હતું. જ્યાં રમેશભાઈની તબિયત લથડતાં તેમને અમદાવાદ સિવિલ હોસ્પિટલ ખાતે લઈ જવાયા હતા. જ્યાં તેમનું મોત નીપજયું હતું. આ ઘટના સંદર્ભે હિતેશભાઈની ફરિયાદના આધારે સે-૭ પોલીસે કાર ચાલક સામે ગુનો નોંધી વધુ તપાસ શરૃ કરી છે.

(4:52 pm IST)
  • તેલંગાણાનો 24 વર્ષીય વિદ્યાર્થીનું અમેરિકાની એક રેસ્ટોરન્ટમાં થયેલા ગોળીબારમાં શુક્રવારે મોત નિપજ્યું હતું. વારંગલનો રહેવાસી વિદ્યાર્થી શરત કપ્પૂ અહીંની મિસૂરી યૂનિવર્સિટીમાં અભ્યાસ કરતો હતો. રિપોર્ટ અનુસાર કંસાસ પોલીસને શુક્રવારે સાંજે 7 વાગ્યે એક રેસ્ટોર્ટમાં ગોળીબારની માહિતી મળી હતી. ત્યાર બાદ પોલીસ ઘટના સ્થળે પહોંચી હતી. પોલીસને ઘટના સ્થળેથી લોહીમાં લથપથ શરદનો મૃતદેહ પુલમાંથી મળી આવ્યો હતો. access_time 1:19 am IST

  • સોમનાથ - પોરબંદર - લોકલ ટ્રેનના ચાર ડબ્બા પાટા પરથી ઉતરી પડ્યા : વાંસજાળીયા રેલ્વે સ્ટેશન પર ટ્રેન આવતાં સમયે બની ઘટના : તમામ યાત્રીઓ સલામત access_time 9:18 pm IST

  • સતત ચોથા દિવસે પણ ગોવામાં ભારે વરસાદ : નાગપુર વિમાની સેવાને અસરઃ ૧૯૯૪ બાદ ગોવામાં સૌથી ભારે વરસાદઃ કોંકણ-વિદર્ભ માટે રેડ એલર્ટ જાહેર કરાયું : પણજી, માપુસા, વાસ્કો અને મડગાવમાં સતત ધોધમાર વરસાદઃ નીંચાણવાળા વિસ્તારોમાં ઘરમાં પાણી ઘુસ્યા access_time 1:27 pm IST