Gujarati News

Gujarati News

News of Saturday, 6th March 2021

ધ્રાંગધ્રાનાં નવલગઢ પાસે સેલ્ફી લેવા જતા ૨ સગા ભાઇઓના કેનાલમાં ડુબી જવાથી મોત

બીજા બનાવમાં વધુ એક યુવકનું મોત : એક જ દિવસમાં ૩ના મોતથી અરેરાટી

(ફઝલ ચૌહાણ દ્વારા) વઢવાણ,તા.૬: ધ્રાંગધ્રા તાલુકાના નવલગઢ ગામ પાસેથી પસાર થતી નર્મદા કેનાલમાં બે પરપ્રાંતીય કામદારો ડુબી જતાં દોડધામ મચી જવા પામી હતી જે અંગેની જાણ અન્ય કામદારોને થતાં પાલિકાની ફાયર ફાયટર ટીમને જાણ કરી હતી. પરંતુ ધ્રાંગધ્રા નગરપાલિકા ફાયર ફાયટર ટીમમાં તરવૈયાનો અભાવ હોય સુરેન્દ્રનગરથી નગરપાલિકાની ફાયર ફાયટર ટીમ ઘટના સ્થળે આવી પહોંચી હતી અને ભારે જહેમત બાદ ડુબેલ બે યુવકો પૈકી એક કામદારની લાશને બહાર કાઢી હતી જયારે અન્ય કામદારની શોધખોળ હાથધરાઈ હતી. જયારે પ્રાથમિક તપાસમાં ડુબેલ બંન્ને યુવકો સગાભાઈઓ થતાં હતાં અને નવલગઢ ગામે આવેલ એગ્રો કંપનીમાં કામ કરતાં હતાં તેમ જ કેનાલ પર બેસીને મોબાઈલમાં સેલ્ફી લઈ રહ્યાં હતાં તે દરમ્યાન પગ લપસતાં મોત નીપજયું હોવાનું બહાર આવ્યું હતું ત્યારે બંન્ને યુવકોના મોતથી શોકની લાગણી ફેલાઈ જવા પામી હતી જેમાં બંન્ને પરપ્રાંતીય કામદારોના નામ (૧) વિક્રમ સજ્જનરામ મેગવાન ઉ.વ.૨૩ તથા (૨) જયોતીભાઈ સજ્જનરામ મેગવાન ઉ.વ.૨૨, મુળ રહે.એમ.પી. હાલ રહે.નવલગઢ ધ્રાગધ્રાવાળા હોવાનું બહાર આવ્યું હતું.

જયારે બીજા બનાવમાં ધ્રાંગધ્રા તાલુકાના ગાજણવાવ ગામ પાસેથી પસાર થતી નર્મદા કેનાલમાં એક યુવક ડુબી જતાં પાલિકાની ફાયર ફાયટર ટીમ દ્વારા શોઘખોળ હાથધરવામાં આવી હતી પરંતુ યુવકનો કોઈ જ પત્ત્।ો લાગ્યો નહોતો અને સ્થાનીક તરવૈયાઓની મદદ લેવામાં આવી હતી અને મોડી સાંજે ગાજણવાવ કેનાલમાં ડુબલ યુવક રૂપાભાઈ સંડાભાઈ ભરવાડ ઉ.વ.૨૨ વાળાની લાશને પણ તરવૈયાનો ટીમે બહાર કાઢી હતી. આમ ધ્રાંગધ્રા તાલુકામાંથી પસાર થતી નર્મદાની કેનાલોમાં ત્રણ યુવકો ડુબતા સમગ્ર પંથકમાં શોકની લાગણી ફેલાઈ જવા પામી હતી જયારે સુરેન્દ્રનગર પાલિકાના વહિવટદાર સંજયકુમાર પંડયાની સુચનાથી ફાયર ફાયટર ટીમના મનોજભાઈ વ્યાસ, દેવાંગભાઈ દુધરેજીયા, હાસુભાઈ પરમાર, જય રાવલ, સંજય ચૌહાણ, રાહુલ ડોડીયા, ચેતન ભલગામડીયા, શકિતસિંહ પરમાર, જીગ્નેશ બારૈયા સહિતનાઓએ ભારે જહેમત ઉઠાવી હતી.

ધાંગધ્રા ફાયર બ્રિગેડની ટીમ ત્યારબાદ સુરેન્દ્રનગર ફાયરબ્રિગેડની ટીમ ઘટના સ્થળે દોડી ગઈ હતી અને એક યુવકને બહાર કાઢવામાં આવતા મૃત્યુ દ્વારા જાહેર કરવામાં આવ્યો હતો બીજી તરફ હજુ ૨૪ કલાક બાદ પણ બીજા ભાઈ ના મૃતદેહને કોઈપણ જાતની ભાડ ફાયરબ્રિગેડની ટીમને મળી રહી નથી ઉલ્લેખનીય છે કે એક જ જાતે એક જ પરિવારના બે સગા ભાઈઓના મોત નીપજતાં પરિવાર પણ શોકમગ્ન બની જવા પામ્યો છે.

(11:48 am IST)
  • ૧૧ થી ૧૫ માર્ચ ગાંધીનગરમાં ભાજપની પાર્લામેન્ટરી બોર્ડની બેઠક : ગુજરાત ભાજપની પાર્લામેન્ટરી બોર્ડની બેઠક ૧૧ થી ૧૫ માર્ચ સુધી ગાંધીનગર ખાતે મળશે તેમ જાણવા મળે છે access_time 3:29 pm IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 18,292 કેસ નોંધાયા :કુલ કેસની સંખ્યા 1,11,91,864 થઇ :એક્ટિવ કેસ 1,77,389 થયા વધુ 14,162 દર્દીઓ સ્વસ્થ થતા કુલ 1,08,52,174 થયા :વધુ 109 લોકોના મોત સાથે કુલ મૃત્યુઆંક 1,57,693 થયા: દેશમાં સૌથી વધુ મહારાષ્ટ્રમાં નવા 10,216 નવા કેસ નોંધાયા access_time 1:04 am IST

  • ચીને સંરક્ષણ બજેટ વધારીને ૨૦૯ અબજ ડોલર કર્યું:ચીને સંરક્ષણ બજેટને પહેલીવાર ૨૦૦ અબજ ડોલરથી વધુ રકમ સુધી વધાર્યું ચીનનું સંરક્ષણ બજેટ ભારતથી ૩ ગણું વધારીને ૨૦૯ અબજ ડોલર કરાયું: એશિયામાં શસ્ત્ર દોટ વધવાની શકયતા access_time 12:46 am IST