Gujarati News

Gujarati News

News of Friday, 5th March 2021

પ્રતિબંધિત આલ્કોહોલની નિકાસ બદલ કચ્છના ગાંધીધામ ચેમ્બરના પૂર્વ પ્રમુખનું લાયસન્સ સસ્પેન્ડ કરતું કસ્ટમ તંત્ર

(વિનોદ ગાલા દ્વારા)ભુજ : કચ્છના કંડલા અને મુન્દ્રા પોર્ટ ઉપર આયાતનિકાસ માં ગેરરીતિના કિસ્સાઓ હમણાં ચર્ચામાં છે. 

       ત્યારે કસ્ટમ વિભાગે પ્રતિબંધિત એવા ઈથાઇલ આલ્કોહોલ ની નિકાસ કરવાની ગેરરીતિમાં કંડલા કોમ્પલેક્ષના મોટા માથાનું લાયસન્સ સસ્પેન્ડ કરતાં ચકચાર મચી ગઈ છે. કંડલા કસ્ટમ હાઉસ દ્વારા પ્રતિબંધિત ઈથાઇલ આલ્કોહોલ નિકાસ કરનાર ગાંધીધામ ચેમ્બર ના પૂર્વ પ્રમુખ દિનેશ ગુપ્તાનું કસ્ટમ હાઉસ એજન્ટ તરીકેનું લાયસન્સ જપ્ત કર્યું છે. 

      દિનેશ ગુપ્તાની રિશી કિરણ લોજિસ્ટીક કંપની દ્વારા પ્રતિબંધિત ઈથાઇલ આલ્કોહોલની નિકાસ કરવામાં આવી રહી હોવાની બાતમીને આધારે કરાયેલ તપાસમાં ગેરરીતિ ખૂલતાં નિકાસ માટે નો  પરવાનો રદ્દ કરાયો છે. આ અંગે આગામી ૧૬ મી માર્ચે કસ્ટમ દ્વારા તેમનું હીયરિંગ રખાયું છે.

(4:06 pm IST)
  • ગુરુવારે સીરમ ઇન્સ્ટિટ્યૂટ ઓફ ઈન્ડિયા (એસઆઈઆઈ)ના CEO પુનાવાલાએ વિશ્વ બેન્કની પેનલમાં ચર્ચા દરમ્યાન જણાવ્યું હતું કે કાચા માલના નિકાસ પર અસ્થાયી અમેરિકી પ્રતિબંધ થી સીરમ ઇન્સ્ટિટ્યૂટ ઓફ ઈન્ડિયા (એસઆઈઆઈ) જેવી કંપનીઓ દ્વારા કોરોનાવાયરસ રસીના ઉત્પાદનને મર્યાદિત કરી શકે છે જે ગંભીર બાબત છે. access_time 11:58 pm IST

  • દેશમાં કોરોનાએ ફરી ફૂફાડો માર્યો : છેલ્લા ૧૦ દિવસમાં ૧૧ રાજ્યના ૩૪ જિલ્લામાં કોરોનાના કેસ નોંધાવાની ઝડપ બમણી : મહારાષ્ટ્રના ૬, પંજાબના પાંચ, ગુજરાતના ૪ અને મધ્યપ્રદેશના ૩ જિલ્લામાં સ્થિતિ વણસી:કેરળ અને મહારાષ્ટ્ર બાદ હવે પંજાબમાં પણ રોજના ૧૦૦૦થી વધુ કોરોનાના નવા કેસ નોંધાઈ રહ્યા છે access_time 12:50 am IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 18,292 કેસ નોંધાયા :કુલ કેસની સંખ્યા 1,11,91,864 થઇ :એક્ટિવ કેસ 1,77,389 થયા વધુ 14,162 દર્દીઓ સ્વસ્થ થતા કુલ 1,08,52,174 થયા :વધુ 109 લોકોના મોત સાથે કુલ મૃત્યુઆંક 1,57,693 થયા: દેશમાં સૌથી વધુ મહારાષ્ટ્રમાં નવા 10,216 નવા કેસ નોંધાયા access_time 1:04 am IST