Gujarati News

Gujarati News

News of Tuesday, 3rd December 2019

રોટરી ઇન્ટરનેશનલ ડ્રીસ્ટ્રીકટ ૩૦૬૦ના ગવર્નર રોટરી કલબ ઓફ હળવદની ઓફિશ્યલ મુલાકાતે

ગવર્નર ડો. અનિષ શાહ આસી. ગવર્નર ડો. અશ્વિન ગઢવીએ કલબની પ્રવૃતિની વિગતો મેળવી

હળવદ,તા.૩: શહેરમાં રોટરી કલબની સ્થાપના બાદ ૪ વર્ષમાં સામાજિક અને લોકઉપયોગી ૪૦૦થી વધુ નાના મોટા સેવાકીય પ્રોજેકટ સફળતાથી સંપન્ન કરવામા આવ્યા છે.ગરીબ કે જરૂરિયાતમંદ વ્યકિતની મદદ માટે સદાય ખડે પગે ઉભી રહેતી તેમજ નિરાધાર લોકોનો આધાર બનીને નિસ્વાર્થ ભાવે કામ કરતી હળવદ રોટરી એ ટૂંકા સમય ગાળામાં વિવિધ ક્ષેત્રની સેવાઓ શહેર અને તાલુકાના અસંખ્ય લોકો માટે કરેલ છે.

પાયાના અને પ્રાથમિક જરૂરિયાત વાળા તેમજ જયાં ખરેખર જરૂરિયાત છે એવી જગ્યાએ અને લોકો માટે હર હંમેશ તાત્કાલિક કામ કરતી અને શકય એટલી સેવા આપતી હળવદ રોટરીની સુવાસ ચોમેર અને દેશ વિદેશમાં પ્રસરી છે.

સર્વિસ પ્રોજેકટ અને પબ્લિક ઇમેજમાં દાખલરૂપ કાર્ય રોટરી ના સભ્યો અને તેની નીચેની ૯ કલબોના ટીમવર્ક તથા રાત દિવસ ના તન મન ધન ના સાથ સહકાર થી શકય બન્યું છે. કલબને ડિસ્ટ્રીકટ દ્વારા બેસ્ટ કલબ અને અનેક એવોર્ડ થી સન્માનિત કરવામાં આવેલ છે.

સતત નવા અને અનોખા સેવાકીય કાર્યો કરતી હળવદની આ સંસ્થાની ડિસ્ટ્રીકટ ગવર્નર અનિષ શાહ અને આસીસ્ટન્ટ ગવર્નર ડો. અશ્વિન ગઢવી દ્વારા કલબની ઓફિશિયલ વિઝિટ કરવામાં આવી હતી.

હળવદ રોટરી કલબ દ્વારા ચાલતા કાયમી પ્રોજેકટની મુલાકાત બાદ બોર્ડ મેમ્બરો સાથે તેમજ સભ્યો સાથે મીટીંગ અને આગામી પ્રોજેકટ અને હજી વધુ સારી કામગીરી કરવા અંગે ચર્ચાઓ કરવામાં આવી હતી.મિટિંગ માં કલબના પ્રેસિડેન્ટ અરવિંદભાઈ પટેલ, સેક્રેટરી મહિપાલસિંહ જાડેજા અનેઙ્ગ વિવિધ કલબોના હોદેદારો તેમજ રોટરીના સભ્યો સહપરિવાર હાજર રહ્યા હતા.આ કાર્યક્રમનું સંચાલન જોઈન્ટ સેક્રેટરી ગજેન્દ્રભાઈ મોરડીયા કર્યું હતું. નરભેરામભાઈ અદ્યારા અને રાજેન્દ્રસિંહ રાણાએ આ કાર્યક્રમને સફળ બનાવ્યો હતો.

(11:14 am IST)
  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST

  • નાણામંત્રી નિર્મલા સીતારમણ માટે 'નિર્બલા' શબ્દનો ઉપયોગ કરવા પર કોંગ્રેસના નેતા અધીર રંજન ચૌધરીની માફી માંગ પર આજે પણ બીજેપીના સભ્યો અડગ રહ્યાઃ આજે પણ સંસદમાં ધમાલઃ કોંગ્રેસનું વોકઆઉટ access_time 4:08 pm IST

  • કોંગ્રેસના નેતા રાહુલ ગાંધી ગઇકાલે ઝારખંડના ચૂંટણી પ્રવાસે ગયા હતાં જે દરમ્‍યાન તેમણે ગ્રામજનો સાથે હળવી પળો માણી હતી તે તસ્‍વીરમાં દેખાય છે access_time 10:36 am IST