Gujarati News

મોરબીઃ મોરબીના મોડપર ગામે આવેલી જીનિગ કોટન મિલમાંથી લુટેરાઓ કોપર તાંબાની પ્લેટો અને ઇલે.મોટર મળીને કુલ રૂ.૯૦,૦૦૦/- ના મુદામાલની ચોરી કરી ગયાની ફરિયાદ મોરબી તાલુકા પોલીસ સ્ટેશનમાં નોંધાઈ છે.

આ ચોરીના બનાવની મોરબી તાલુકા પોલીસ મથકેથી જાણવા મળતી માહિતી મુજબ મોરબીના મોડપર ગામે આવેલ દેવાસી જીનિગ એન્ડ કોટન મિલમાં તા.૨૯ એપ્રિલના રોજ તસ્કરો ત્રાટકયા હતા. અને તસ્કરો આ જીનિગ કોટન મિલની દીવાલ કુદીને અંદર પ્રવેશ કરી ઇલેક્ટ્રિક ટીસીના ડિપા પાડી ટીસીની અંદરના કોપર તાંબાની પ્લેટો કાઢી જે કોપર તાંબાની પ્લેટોની આશરે કિ.રૂ.૭૦,૦૦૦/- છે. તથા જિનના સ્ટોર રૂમનો દરવાજો તોડી તેમાંથી ૫ ઇલેક્ટ્રિક મોટર રૂ.૨૦,૦૦૦/- મળીને કુલ રૂ.૯૦,૦૦૦/- ના મુદામાલની ચોરી કરી ગયા હતા. આ બનાવની જાણ થતાં આ જીનિગ કોટન મિલના માલિક વાસુદેવભાઇ ભાણજીભાઈ કગથરાએ તેમની કોટન મિલમાંથી રૂ.૯૦,૦૦૦/- ના મુદામાલની ચોરી થયાની તાલુકા પોલીસ સ્ટેશને ફરિયાદ નોંધાવી હતી. તાલુકા પોલીસે આ બનાવ અંગે વધુ તપાસ હાથ ધરી છે.