Gujarati News

Gujarati News

News of Saturday, 1st August 2020

માણાવદરનાં વાડાસડા ગામે વાડીમાં ચાલતા જુગારધામનો પર્દાફાશઃ ૮ જુગારી ઝબ્બે, ૧૧ નાસી ગયા

રોકડ અને વાહનો સહિત રૂ. બે લાખનો મુદામાલ કબ્જે

જૂનાગઢ તા. ૧ :.. માણાવદરના વાડાસડા ગામે વાડીમાં ચાલતા જૂગારધામનો પોલીસે પર્દાફાશ કરી ૮ જૂગારીને ઝડપી લીધા છતાં અને રૂ. બે લાખનો મુદામાલ કબ્જે કર્યો હતો.

જો કે ૧૧ જુગારીઓ નાસી જતાં પોલીસે તપાસ હાથ ધરી છે.

માણાવદર તાલુકાનાં વાડાસડાનો રામ આલાભાઇ મિયાત્રા તેની વાડીએ ખુલ્લામાં જૂગાર રમાતો હોવાની બાતમી પીએસઆઇ પ્રકાશ ધોકડવાને મળતાં સ્ટાફનાં વિપુલ ગોહેલ, વિક્રમ ગરચર, નિલેશ ધ્રાંગડ વિજય કારાવદરા અને કરમણભાઇ ચાવડાએ દરોડો પાડયો હતો.આ કાર્યવાહી દરમ્યાન જૂગાર રમી રહેલા ૧૬ શખ્સોમાં નાસભાગ મચી ગઇ હતી. પોલીસે દરોડામાં મગન દેવશી માકડીયા સહિત આઠ શખ્સોને રૂ. ૭૯રપ૦ ની રોકડ સાથે જુગાર રમતા પકડી પાડયા હતાં.

વાડી માલીક રામ મિયાત્રા અને અન્ય ૧૦ જૂગારી નાસી ગયા હતાં. પોલીસે શકુનીઓ પાસેથી રૂ. બે લાખનો મુદામાલ કબ્જે કરીને ધોરણસરની કાર્યવાહી કરી હતી.

(11:45 am IST)
  • અયોધ્યામાં રામમંદિરનું નિર્માણ ' રાષ્ટ્રીય અસ્મિતાનું પ્રતીક ' : ભારત ઉપર અનેક આક્રમણો થયા : આક્રમણખોરો પોતાના ચિન્હો છોડી ગયા : આ બધા વચ્ચે અડગ આસ્થા સાથે રામમંદિરનું નિર્માણ રાષ્ટ્રીય અસ્મિતાનું પ્રતીક બની રહેશે : RSS ના સરકાર્યવાહ સુરેશ ભૈયાજી જોશી access_time 7:47 pm IST

  • દેશમાં કોરોનાએ હાહાકાર મચાવ્યો : એક જ દિવસમાં સૌથી વધુ 57,212 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 16,96,780 કેસ થયા :5,64,156 એક્ટિવ કેસ :કુલ 10.95,647 દર્દીઓ રિકવર થયા :વધુ 764 લોકોના મોત :મૃત્યુઆંક 36,551 થયો : છેલ્લા 24 કલાકમાં મહારાષ્ટ્રમાં નવા 10,320 કેસ : તામિલનાડુમાં 5864 કેસ :દિલ્હીમાં 1195 કેસ : આંધ્રપ્રદેશમાં નવા 10.167 કેસ: કર્ણાટકમાં નવા 5483 કેસ :ઉત્તર પ્રદેશમાં 4422 કેસ અને પશ્ચિમ બંગાળમાં વધુ 2496 કેસ :બિહારમાં 2986 નવા કેસ, તેલંગાણામાં 1986 કેસ,રાજસ્થાનમાં 1147 કેસ અને આસામમાં 1862 નવા કેસ અને ઓરિસ્સામાં 1499 કેસ નોંધાયા access_time 12:46 am IST

  • શ્રીલંકાના કોલંબો બંદર પરના તમામ કામકાજ શુક્રવારે સાંજે, ઇસ્ટ કન્ટેનર ટર્મિનલ (ઇસીટી) ભારતને લીઝ પર આપવાના વિરોધમાં, સ્ટોપ કરી દેવામાં આવ્યા. શ્રીલંકાના પોર્ટ ઓથોરિટી દ્વારા જ તમામ ઇસીટી કામગીરી શરૂ કરવા સત્તાધિકારીઓને અપીલ કરવા કોલંબો પોર્ટના તમામ ટ્રેડ યુનિયનો દ્વારા આ વિરોધ દર્શાવતા દેખાવો યોજાયા હતા access_time 10:20 pm IST