Gujarati News

Gujarati News

News of Friday, 1st June 2018

સરકારે ૮૦ કરોડ રૂપિયા અંદાજી મેથળા બંધારાની ર૦ વર્ષથી લોલીપોપ આપી હતી એ બંધારો ત્રણ માસમાં ૪૦ લાખમાં બંધાયો

ગુજરાત રાજયની આ પ્રથમ ઘટના નિહાળવા કોંગ્રેસના પ્રદેશ અને કેન્‍દ્રના નેતાઓ આવે તેવી શકયતા : આવનારા દસ-પંદર દિવસમાં પોણાત્રણ ફુટ જેટલું મીઠુ પાણી હજારો હેકટરમાં સંગ્રહીત થાય તે માટે આજે મળેલ મીટીંગમાં થયું આયોજન

ભાવનગર, તા. ૧ : એક સંપ, એક વિચારધારા હોય તો સરકારની છાતીપર પણ ચઢીને પોતાનું ધાર્યું કામ જાત મહેનત ઝીંદાબાદના સૂત્ર સાથે કરી શકે છે તેનું ગુજરાતભરમાં પ્રથમ ઉદાહરણ છે. તળાજાના મેથળા ગામે બંધાતો બંધારો-સરકારે જે બંધારો બાંધવા ૮૦ કરોડ અંદાજેલ હતાં. તે સ્‍થળે હજારો શ્રમિકોની તન, મન અને ધનની સખાવતથી અંદાજીત ચાલીસ લાખમાં બંધાઇ રહ્યો છે. કામ પૂર્ણતાના આરે છે. એટલું જ નહીં સરકાર ર૦-ર૦ વર્ષથી બંધારો બંધાવી આપવાના વાયદા કરતી હતી. મુખ્‍યમંત્રી ખુદ શિહોર ખાતે ત્રણ વર્ષ પહેલા જાહેરાત કરી ચૂકયા હતાં તેમ છતાં ન બન્‍યો. એજ સ્‍થળે બંધારો ત્રણ માસમાં પૂર્ણતાના આરે છે.

બંધારા સમિતિના નાગજીભાઇના જણાવ્‍યા પ્રમાણે પાળાનું કામ પૂર્ણ થયા બાદ આરસીસીથી વોગનનું કામ પણ પૂર્ણ થયાના આરે છે હવે થોડુ કામ હજુ વધારાનું ધોવાણ ન થાય, ખાડો ન પડે તે માટે પથ્‍થરો નાંખવાનું બાકી છે.

પોણાત્રણ ફૂટ જેટલુ વરસાદી મીઠુ પાણી ભરાય અને બાકીનું દરિયામાં વહી જાય જેથી કરીને આ વિસ્‍તારના ખેડૂતોની જમીન ડુબમાં ન જાય તેવી તકેદારી સાથેનું આયોજન કરવામાં આવ્‍યું છે આવી રહ્યું છે.આ વરસે મીઠાપાણીનો સંગ્રહ થયા બાદ ભૂગર્ભતળ સારા થાય, ખેડૂતોની માગ પ્રમાણે આવતા વરસે જરૂર પડશે તો વધુ મીઠુ વરસાદી પાણી સંગ્રહ થાય તેવું આયોજન કરવામાં આવશે.

આવનારા દિવસોમાં આસપાસના ગ્રામજનો સૌ એકઠા થાય, માતાજીની લાપસી અને ભગવાન શ્રી સત્‍યનારાયણની કથાનું આયોજન ચાલી રહ્યું છે તેના માટે અનેક દાતાઓ, શ્રમજીવીઓ યથાયોગ્‍ય તન, મન અને ધનથી સહકાર આપવા આગળ આવી રહ્યા છે.

 

(12:28 pm IST)
  • વિશ્વમાં શાંતિ જાળવી રાખવા ભારતીય સૈનિકોએ સૌથી વધુ બલિદાન આપ્યું :યુનાઇટેડ નેશનના મહાસચિવ એન્ટોનિયા ગુટેરેસે 70માં સ્થાપના દિવસે કહ્યું કે શહીદી વહોરવામાં સૌથી વધુ જવાનો ભારતના છે.: છેલ્લાં 70 વર્ષમાં વિશ્વમાં થયેલા પીસકિપિંગ મિશનમાં ડ્યૂટી દરમિયાન સૌથી વધારે શાંતિદૂત ભારતના જ શહીદ થયા છે. 163 ભારતીયોએ માત્ર માનવતાને ખાતર બલિદાન આપ્યું access_time 1:26 am IST

  • દેશમાં ફોરેન્સિક પ્રયોગશાળાના અભાવે દરવર્ષે 13,000 બળાત્કારના કેસની તપાસ થઇ શકતી નથી : મહિલા અને બાલ કલ્યાણમંત્રી મેનકા ગાંધીએ કહ્યું કે અપરાધની તપાસમાં સૌથી નબળું પાસું ફોરેન્સિક છે અને દેશની મુખ્ય ફોરેન્સિક પ્રયોગશાળામાં વર્ષે 160થી ઓછા મામલાની તપાસ થાય છે access_time 1:18 am IST

  • જમ્મુ કાશ્મીરના પુલવામાં સીઆરપીએફના વાહન ઉપર આતંકીઓનો હુમલોઃ કોઈ જાનહાની નથી access_time 4:30 pm IST