Gujarati News

Gujarati News

News of Friday, 30th October 2020

ગીરનાર રોપ-વે માં સાધુ સંતોને ફ્રી ટીકીટ આપો : કરણી સેનાએ માંગણી ઉઠાવી

યાત્રીક ટીકીટના ભાવ પણ અસહ્ય હોય ઘટાડવા આવેદન અપાશે : અન્યથા આંદોલન

રાજકોટ તા. ૩૦ : ગીરનાર પર્વત પર સાધુ સંતોની અનેક જગ્યાઓ આવેલી છે. ભારતભરમાંથી પણ સાધુ સંતો દર્શનાર્થે આવતા હોય છે. ત્યારે હાલ અંબાજી સુધી શરૂ કરવામાં આવેલ રોપ-વે માં સાધુ સંતોને ફ્રી ટીકીટ ઇશ્યુ કરવા રાજપૂત કરણી સેના દ્વારા માંગણી ઉઠાવવામાં આવી છે.

કરણીસેના અધ્યક્ષ જે. પી. જાડેજાએ જણાવ્યુ છે કે આ બાબતે રોપ-વે માલીક  કે જવાબદાર અધિકારીઓ સાથે બેઠક કરી સનાતન ધર્મપ્રેમીજનોની લાગણીથી અવગત કરાશે. તેમછતા જો રોપ વે કંપની મનમાની કરશે તો કરણી સેના દ્વારા આંદોલન હાથ ધરાશે.

ટીકીટના દર વધુ હોવાની બુમો પણ લોકોમાં ઉઠી છે. ત્યારે યાત્રાળુઓની ટીકીટના દર પણ પ્રમાણસર કરવા કરણીસેના દ્વારા માંગણી ઉઠાવવામાં આવી છે.

આ બાબતે રોપ-વે અીધકારીઓ સુધી અવાજ પહોંચાડવા સોશ્યલ મીડિયામાં વીડીયો વાયરલ કરાયો છે. તેમજ આ બાબતે ટુંક સમયમાં જુનાગઢ કલેકટરશ્રીને પણ આવેદનપત્ર અપાશે. અઠવાડીયાની મહેતલ અપાશે અને તેમ છતા કોઇ યોગ્ય નિર્ણય નહીં લેવાય તો અન્ય સંગઠનોનો સાથ લઇ કરણી સેના આંદોલનના મંડાણ કરશે. તેમ કરણી સેનાના પ્રદેશ ઉપાધ્યક્ષ જે. પી. જાડેજા (મો.૯૮૨૫૩ ૦૦૦૯૭) એ એક યાદીમાં જણાવ્યુ છે.

(3:47 pm IST)
  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST