Gujarati News

Gujarati News

News of Friday, 30th October 2020

લગ્નના પખવાડીયા પહેલા સુનિતાએ દાદા અને પિતા બંને ગુમાવ્યાઃ માંગરોળના શૈયા ગામનો કરૂણ બનાવ

યુવતિના દાદા ખીમજીભાઇ કુરાણીયાનું હાર્ટએટેકથી મૃત્યુ થયાના બે દિવસ બાદ તેણીના પિતા જેન્તીભાઇ કુરાણીયા પાણીને બદલે ભુલથી એસિડ પી જતાં રાજકોટમાં દમ તોડ્યો

રાજકોટ તા. ૩૦: ન જાણ્યુ જાનકીનાથે કાલે શું થવાનું...આ ઉકિત મુજબ માંગરોળના શૈયા ગામે જે યુવતિના પખવાડીયા બાદ લગ્ન હતાં તેણે ત્રણ જ દિવસમાં દાદા અને પિતા બંને ગુમાવતાં પરિવારમાં કલ્પાંત સર્જાયો છે.

શૈયા ગામે રહેતાં જેન્તીભાઇ ખીમજીભાઇ કુરાણીયા (બ્રાહ્મણ) (ઉ.વ.૫૦) ગઇકાલે બપોરે ભુલથી પાણીની બોટલને બદલે તેના જેવી જ બોટલમાં ભરેલુ એસિડ પી જતાં માંગરોળ સારવાર અપાવી રાજકોટ સિવિલ હોસ્પિટલમાં ખસેડાયા હતાં. અહિ વહેલી સવારે દમ તોડી દેતાં હોસ્પિટલ ચોકીના હેડકોન્સ. દેવરાજભાઇ નાટડાએ માંગરોળ પોલીસને જાણ કરી હતી.

જેન્તીભાઇ ત્રણ ભાઇમાં મોટા હતાં અને મજૂરી કરતાં હતાં. તેને સંતાનમાં એક પુત્ર અને બે પુત્રી છે. કરૂણતા એ છે કે પંદર દિવસ બાદ જેન્તીભાઇની એક દિકરી સુનિતના લગ્ન લેવાયા હોઇ બધા તેની તૈયારીમાં હતાં. એ પહેલા એટલે કે બે દિવસ પહેલા જેન્તીભાઇના પિતા ખીમજીભાઇ કરમણભાઇ કુરાણીયાનું હાર્ટએટેકથી મૃત્યુ થયું હતું. તેના કારણે જેન્તીભાઇને સતત ઉજાગરો હતો. ગઇકાલે તેણે ભુલથી એસિડ પી લીધું હતું અને સારવાર દરમિયાન તેમનું પણ મોત થયું હતું. આમ પખવાડીયા બાદ જે ઘરના આંગણે દિકરીના લગ્નના ઢોલ ધ્રબુકવાના હતાં એ દિકરીએ દાદા અને પિતા બંને ગુમાવતાં ગમગીની છવાઇ ગઇ છે.

(11:31 am IST)
  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST