Gujarati News

Gujarati News

News of Tuesday, 30th June 2020

રીક્ષામાં મુસાફરોની નજર ચૂકવી દાગીના કાઢી લેનારા સુનીલ અને નરેશ પાસામાં ધકેલાયા

રાજકોટ તા. ૩૦: શહેરના ત્રીકોણ બાગ આસપાસ પંદર દિવસમાં રીક્ષામાં નજર ચૂકવી અલગ-અલગ મુસાફરોના દાગીના સેરવી લેનારા બે દેવીપૂજક શખ્સોને પાસામાં ધકેલી દીધા હતા.

મળતી વિગત મુજબ શહેરના ત્રીકોણબાગ આસપાસ રીક્ષામાં મુસાફરોને બેસાડી તેની નજર ચૂકવી દાગીના તથા રોકડ સેરવી લેતા સુનીલ ઉર્ફે અનો ચંદુભાઇ ચુડાસમા (ઉ.વ. ર૧) અને નરેશ ઉર્ફે ઝીણી બાબુભાઇ દુધરેજીયા (ઉ.વ. ૩પ) (રહે. બંને ગોંડલ રોડ લોહાનગર મફતીયાપરા) અને રેમ્યા વિનયભાઇ સોલંકી (રહે. લોહાનગર) ને પકડી લીધા હતા. સુનીલ ઉર્ફે અનો અને નરેશ ઉર્ફે ઝીણી એ સાગરીતો સાથે ૧પ દિવસમાં અલગ-અલગ મુસાફરોને નિશાન બનાવી દાગીના અને રોકડ રકમ સેરવી લીધી હતી. આ બે દેવીપૂજક શખ્સોને પાસામાં ધકેલવા માટે પીસીબી શાખાના પીઆઇ અને. કે. જાડેજા, હેડ કોન્સ. રાજુભાઇ, શૈલેષભાઇ, ઇન્દ્રજીતસિંહ અને રાહુલગીરીએ દરખાસ્ત કરતા પોલીસ કમિશનર મનોજ અગ્રવાલે વોરંટ ઇશ્યુ કરતા એ ડીવીઝન પોલીસ મથકના પીઆઇ સી. જી. જોષી, પીએસઆઇ જે. એમ. ભટ્ટ, એએસઆઇ બી. વી. ગોહીલ, ધર્મેશભાઇ ખેર, હેડ કોન્સ. હારૂનભાઇ ચાનીયા, વિરેન્દ્રસિંહ, દિપકભાઇ, મૌલીકભાઇ, જગદીશભાઇ, નરેશભાઇ તથા મેરૂભા સહિતે સુનીલછ ઉર્ફે અનો ચુડાસમા અને નરેશ ઉર્ફે ઝીણી દુધરેજીયાની પાસા હેઠળ અટકાયત કરી બંનેને સુરત જેલમાં ધકેલી દીધા હતા.

(3:06 pm IST)
  • ગુજરાત હાઇકોર્ટના નામાંકિત ધારાશાસ્ત્રી સૂર્યપ્રકાશ રાજુ સુપ્રીમ કોર્ટમાં બન્યા એડિશનલ સોલિસિટર જનરલ :સુપ્રીમ કોર્ટમાં આટલી મોટી પોસ્ટ ઉપર પહોંચનારા ચોથા ગુજરાતી: અગાઉ કિરીટ રાવલ હરીન રાવલ અને તુષાર મહેતા પણ આ પોસ્ટ ઉપર પહોંચ્યા હતા access_time 11:28 pm IST

  • ખાબોચીયાના પાણીમાં તરસ છીપાવતા ઉંટ : રાજસ્થાનના રણમાં તસ્વીરકારે સુંદર તસ્વીર કલીક કરી છે. રાજસ્થાનમાં પણ ચોમાસુ બેસી ગયું છે. પરંતુ વરસાદ હજુ જામ્યો નથી. ત્યારે રાજસ્થાનના રણ વિસ્તારમાં ઉંટોની નજર ખાબોચીયામાં ભરેલા પાણી ઉપર પડતા ઉંટો પોતાની તરસ છીપાવવા પહોંચી ગયા હતા. access_time 3:04 pm IST

  • મોટી કંપનીનું વિમાન રન-વેથી સ્લીપ થઇ ગયું ? : દેશના મોટા કોર્પોરેટ હાઉસનું ખાનગી વિમાન પરમ દિવસે હૈદ્રાબાદ એરપોર્ટ ઉપર રન-વેની બહાર ચાલ્યુ ગયાના અહેવાલો મળે છે. પાંખો અને લેન્ડીંગ ગીયર ડેમેજ થયાનું ન્યુઝ ફર્સ્ટ નોંધે છે. જો કે વિમાનમાં બેઠેલાઓ અને મુસાફરો સલામત છે. વિગતો મેળવાઇ રહી છે. access_time 3:51 pm IST