Gujarati News

Gujarati News

News of Thursday, 29th October 2020

સ્નેહના સંભારણાઃ વોર્ડ નં. ૯ શિવપરા ભાજપ આગેવાન રણછોડભાઇ સાટીયા વર્ષોથી હતાં નરેશ કનોડીયા સાથે સંપર્કમાં

રાજકોટઃ ગુજરાતી કલા જગતને ગોૈરવ અપાવનારા મહેશભાઇ કનોડીયાના નિધન બાદ તેમના ભાઇ ગુજરાતી ફિલ્મોના રજનીકાંત એવા નરેશભાઇ કનોડીયાનું પણ નિધન થઇ જતાં અસંખ્ય ચાહકો શોકમાં ગરક થઇ ગયા હતાં. નરેશ કનોડિયા સાથે રૈયા રોડ હનુમાન મઢી પાછળ વોર્ડ નં. ૯ના શિવપરામાં રહેતાં આ વિસ્તારના ભાજપ આગેવાન રણછોડભાઇ સાટીયાને વર્ષોથી સંપર્ક હતો. અવાર-નવાર તે નરેશભાઇને રૂબરૂ મળતાં હતાં. નરેશભાઇની વસમી વિદાયને પગલે રણછોડભાઇ શોકમાં ડુબી ગયા હતાં. તેણે પોતાના ઘરે જ નરેશભાઇની તસ્વીર સમક્ષ ધૂપ-દિપ જલાવી શ્રધ્ધાંજલિ આપી હતી. જેમાં બીજા કાર્યકરો પણ જોડાયા હતાં. રણછોડભાઇની નરેશભાઇ સાથેની આ તસ્વીર સ્નેહના સંભારણા સમાન બની રહી છે.

(2:42 pm IST)
  • મધ્ય પ્રદેશ પેટા ચૂંટણી : મહેંગાવમાં પ્રચાર માટે ગયેલા ભાજપના ફાયર બ્રાન્ડ નેતા ઉમાભારતીની સભામાં ખુરસીઓ ખાલી : સભાના સ્થળથી 25 કિલોમીટર દૂર હેલીકૉપટર ઉતરતા સ્થળ ઉપર પહોંચવામાં મોડું થયું : ગુસ્સે થઇ ભાષણ આપ્યા વિના પરત ફર્યા access_time 1:55 pm IST

  • માનહાની કેસમાં દિલ્હીના મુખ્યમંત્રી કેજરીવાલને ક્લિનચીટ : 2016 ની સાલમાં દિલ્હીના ભાજપ સાંસદ રમેશ બિધુડીએ માનહાની કેસ કર્યો હતો : કેજરીવાલે ન્યુઝ ચેનલમાં આપેલા ઇન્ટરવ્યૂ વખતે પોતાને બદનામ કરતું નિવેદન આપ્યાનો આરોપ હતો : દિલ્હીની રાઉસ એવન્યુ અદાલતે આપેલા ચુકાદાથી ફરિયાદીને ઝટકો access_time 7:12 pm IST

  • માનહાની કેસ : ભાજપ અગ્રણી કપિલ મિશ્રાએ દિલ્હીના સ્વાસ્થ્ય મંત્રી સત્યેન્દ્ર જૈનની બિનશરતી માફી માંગી : ફરીથી એવું નહીં થાય તેવી ખાતરી આપ્યા પછી કેસ માંડવાળ કરાયો : 2017 ની સાલમાં દિલ્હીના મુખ્યમંત્રી કેજરીવાલને 2 કરોડ રૂપિયાની લાંચ આપ્યાનો આક્ષેપ કર્યો હતો access_time 5:48 pm IST