Gujarati News

Gujarati News

News of Wednesday, 28th October 2020

આજે સવારે ઠંડીનો ચમકારો વધ્યો

જો કે સૂર્યનારાયણનાં દર્શન થતાની સાથે હુંફાળુ વાતાવરણઃ બપોરે ઉકળાટ

રાજકોટ તા. ર૮: રાજકોટ સહિત સૌરાષ્ટ્ર-કચ્છમાં સર્વત્ર ધીમે ધીમે શિયાળાની અસર વર્તાવા લાગી છે. મોડી રાત્રીથી વહેલી સવાર સુધી ઠંડકનો અનુભવ થાય છે.આજે વહેલી સવારના સમયે ઠંડીનો ચમકારો વધ્યો હતો અને લઘુતમ તાપમાનનો પારો નીચે ઉતરતા ઠંડકનો વધુ અસર વર્તાઇ હતી.

સવારના સમયે ઠંડક હોવાથી ખુશનુમા વાતાવરણનો અહેસાસ થાય છે અને વહેલી સવારે શિયાળાની સવારની મજા માણવા અને તંદુરસ્ત રહેવા માટે મોર્નિંગ વોક કરવા પણ અનેક લોકો નીમળે છે.

જો કે સવારે સૂર્યનારાયણના દર્શન થતાની સાથે જ હુંફાળુ વાતાવરણ છવાઇ જાય છે અને જેમ-જેમ દિવસ પસાર થાય છે તેમ તેમ ગરમીની અસર વધવા લાગે છે. બપોરના સમયે મહતમ તાપમાનનો પારો ઉંચે જતો રહેતા ઉનાળા જેવો અનુભવ થાય છે.

(3:09 pm IST)
  • ઉત્તરપ્રદેશમાં બસપા (માયાવતી) પક્ષના સંસદ સભ્યના નિવાસ સ્થાન અને ઓફીસો ઉપર મોટા પાયે દરોડા ચાલુ છે વિગતો મેળવાઇ રહી છે. access_time 11:29 am IST

  • વીજળીના દરમાં પ્રતિ યૂનિટ ૧૯ પૈસાનો ઘટાડો : ઊર્જા મંત્રી સૌરભ પટેલની જાહેરાત : ફ્યુલ સરચાર્જમા કરાયો ઘટાડો : ૧૪૦ કરોડ ગ્રહકોને થશે ફયદો : ઉધ્યોગ જગતને વીજળીબીલમાં રાહત access_time 5:41 pm IST

  • જપ્ત કરેલા ટ્રેઈલરોની ચોરી કરી વહેંચી મારવા સબબ 'ઈડી'ના ટોચના અધિકારીઓ સહિત ૫ની ધરપકડઃ સુરતની એક પેઢી પાસેથી દરોડા દરમિયાન કબ્જે કરવામાં આવેલ 'ટ્રેઈલરો'ની ચોરી કરી વહેંચી નાખવાના પ્રયાસો સબબ એન્ફોર્સમેન્ટ ડાયરેકટોરેટ (ઈડી)ના ડેપ્યુટી ડાયરેકટર સહિત ૫ની ધરપકડ કરવામાં આવી છે : તેમાંથી મુંબઈના ઈડીના એક બાતમીદાર સહિત ૩ લોકોનો સમાવેશ થાય છે જેમને સુરતની સેન્ટ્રલ જેલમાં મોકલી દેવામાં આવ્યા છે જયારે 'ઈડી'ના વધુ બે ઓફીસરોની ધરપકડ હજુ બાકી છે access_time 12:40 pm IST