Gujarati News

Gujarati News

News of Wednesday, 28th October 2020

ભગવતી પરામાં બકાલૂ લઇ ઘરે જઇ રહેલા યુપીના સોનુને છરી ઝીંકાઇઃ લૂંટનો આક્ષેપ

અજાણ્યા શખ્સે જે હોય તે આપી દેવાનું કહી ઝઘડો કરી હુમલો કર્યા બાદ ૨૨૦૦ પડાવી લીધા

રાજકોટ તા. ૨૮: ભગવતીપરામાં પુલ ઉતરતાં શામળાજી એસટીડી પીસીઓ નજીક ડો. સૈયદના દવાખાના પાસે સાંજે સાડા આઠેક વાગ્યે મુળ યુપીના અને હાલ ભગવતીપરા મદ્રેસા પાસે રહેતાં સોનુ બિસલજન રાજભર (ઉ.વ.૩૫) નામના યુવાનને અજાણ્યા શખ્સે આંતરી ઝઘડો કરી છરી ઝીંકી દેતાં સિવિલ હોસ્પિટલમાં ખસેડાયો છે.

સોનુના કહેવા મુજબ પોતે કડીયા કામની મજૂરી કરે છે. સાંજે ઘરેથી ભગવતીપરા પુલ પાસે ચાલીને શાકભાજી લેવા આવ્યો હતો. પરત ઘર તરફ જતો હતો ત્યારે ડો. સૈયદના દવાખાના પાસે એક શખ્સ આડે આવ્યો હતો અને છરી બતાવી જે હોય તે આપી દેવા કહી ખિસ્સામાં હાથ નાંખતા તેને અટકાવતાં છરીનો ઘા ઝીંકી દીધો હતો અને પોતાની પાસે રહેલા રૂ. ૨૨૦૦ કાઢી ભાગી ગયો હતો.

દેકારો થતાં લોકો ભેગા થઇ જતાં કોઇએ તેને હોસ્પિટલે ખસેડ્યો હતો. હોસ્પિટલ ચોકીના રાજુભાઇ ગીડાએ બી-ડિવીઝન પોલીસમાં નોંધ કરાવતાં તપાસ શરૂ કરવામાં આવી છે.

જો કે પોલીસે તપાસ કરતાં ગઇકાલે આ યુવાને શેઠ પાસેથી માત્ર સો રૂપિયાનો ઉપાડ લીધો હતો. લૂંટની ઘટના નહિ બન્યાનું હાલ બહાર આવ્યું છે. છતાં વિશેષ તપાસ યથાવત રાખવામાં આવી છે.

(12:48 pm IST)
  • બિહારમાં ૫૫ ટકા મતદાન બિહારમાં પ્રથમ તબક્કાની ચૂંટણીમાં ૫૫ ટકા આસપાસ મતદાન થયાના પ્રાથમિક અહેવાલો મળે છે access_time 7:55 pm IST

  • માનહાની કેસમાં દિલ્હીના મુખ્યમંત્રી કેજરીવાલને ક્લિનચીટ : 2016 ની સાલમાં દિલ્હીના ભાજપ સાંસદ રમેશ બિધુડીએ માનહાની કેસ કર્યો હતો : કેજરીવાલે ન્યુઝ ચેનલમાં આપેલા ઇન્ટરવ્યૂ વખતે પોતાને બદનામ કરતું નિવેદન આપ્યાનો આરોપ હતો : દિલ્હીની રાઉસ એવન્યુ અદાલતે આપેલા ચુકાદાથી ફરિયાદીને ઝટકો access_time 7:12 pm IST

  • ૩૧મી ઓકટોબરે ગુજરાતમાં ટુરીસ્ટો માટે અનેક સવલતો ખુલ્લી મૂકશે નરેન્દ્રભાઈઃ સ્ટેચ્યુ ઓફ યુનિટી ખાતે ૩૧ ઓકટોબરે નરેન્દ્રભાઈ મોદી ટુરીસ્ટો માટે 'સી પ્લેન' સહિત સંખ્યાબંધ સવલતો ખુલ્લી મૂકશે : સ્પાઈસ જેટે આ માટે ૫૦ વર્ષ જૂનું એર ક્રાફટ ખરીદ્યુ છે : એરલાઈન્સના કહેવા મુજબ આ વિમાન સંપૂર્ણ સલામત જાળવણી કરેલુ અને શ્રેષ્ઠ કન્ડીશનમાં છે access_time 12:41 pm IST