Gujarati News

Gujarati News

News of Thursday, 28th January 2021

ચોરાઉ રિક્ષા સાથે સૂરજ ઉર્ફે કાળીનો એક્કોને પકડી લેતી રાજકોટ ગાંધીગ્રામ-૨ (યુનીવર્સીટી) પોલીસ: અમદાવાદથી ચોરી હતી 2 માસ પહેલા

રાજકોટ: યુનિવર્સિટી પોલીસ સ્ટેશનના હેડ કોન્સ. હરપાલસિંહ જે. જાડેજાને ખાનગી રાહે મળેલી બાતમી પરથી રામાપીર ચોકડી દેવજીવન હોટલ પાસે લીલા રંગની સી.એન.જી. રીક્ષા ૪૭૧૭ સાથે એક શખ્સને પકડી લઈ વિસ્તૃત પૂછતાછ કરતા રીક્ષા પોતાની હોવાનું અને પોતાનું નામ સુરજ ઉર્ફે કાળીનો એકકો પ્રકાશભાઇ દશનામી - બાવાજી ઉ.વ.૨૦ ધંધો કલરકામ રહે, વડનગર ડેમ પાસે દાળ મીલ રોડ વઢવાણ સુરેન્દ્રનગર જણાવ્યું હતું.

રીક્ષા ચોરીની હોવાની બાતમી હોઇ પોકેટકોપ દ્રારા સર્ચ કરતા આ શખ્સ ચોરીના ગુન્હામાં પકડાયેલ હોઇ જેથી સી.એન.જી. રીક્ષા નંબર પોકેટકોપ મોબાઇલમાં સર્ચ કરતા મારૂજી વિજયકુમાર ચીમનલાલ રહે મારાજીવાસ ફતેવાડી-૨ તા.દસ્ક્રોઇ જી.અમદાવાદની માલિકી હોવાનું ખુલ્યું હતું. વધુ પૂછતાછ થતા તેણે બે મહિના પહેલા અમદાવાદ ચાંગોદર તાસપુર પાટીયા પાસેથી ચોરી કરેલ હોવાનું કબુલ્યું હતું. 50 હજારની રીક્ષા નંબર જી.જે. ૦૧ ટી.ઇ. ૪૭૧૭  કબજે કરી અમદાવાદ પોલીસને જાણ કરાઈ છે. 

આ કામગીરી પોલીસ ઇન્સ્પેકટર એ.એસ.ચાવડા, પો.સબ.ઇન્સ. એ.બી.જાડેજા, પો.હેડ.કોન્સ. રાજેશભાઇ એન.મિયાત્રા, હરપાલસિંહ જે.જાડેજા, મહેન્દ્રસિંહ કે.ડોડીયા, યુવરાજસિંહ આર.ઝાલા તથા પો.કોન્સ. જેન્તીગીરી ગૌસ્વામી, મુકેશભાઇ ડાંગર, અજયભાઇ ભુડીયા, કૃષ્ણદેવસિંહ ઝાલા, બ્રિજરાજસિંહ ગોહીલ સહિતે પોલીસ કમિશ્નર શ્રી મનોજ અગ્રવાલ, સંયુકત પોલીસ કમિશ્નર શ્રી ખુરશીદ અહેમદ, નાયબ પોલીસ કમિશ્નર મનોહરસિંહ જાડેજા  (ઝોન-૨) તથા મદદનીશ પોલીસ કમિશ્નર સાહેબ પી.કે.દિયોરાની સૂચના મુજબના પેટ્રોલિંગ વખતે થઈ હતી.

(10:24 pm IST)
  • કાલે કલેકટરના અધ્યક્ષપદે લેન્ડગ્રેબીંગ કમિટીની ત્રીજી બેઠક : કુલ ૪૦થી વધુ કેસો અંગે તપાસ ચાલુ : કલેકટર શ્રી રેમ્યા મોહને પત્રકારોને જણાવ્યુ હતુ કે કાલે બપોર બાદ લેન્ડ ગ્રેબીંગ કમિટીની ત્રીજી બેઠક મળશેઃ આજ સુધીમાં ૪ કેસમાં ૧૧ આરોપી સામે સામે પગલા લેવાયા, હાલ હજુ ૪૦ કેસોની અરજી આવી છે... જે પ્રાંત તથા મામલતદાર લેવલે તપાસ ચાલુઃ કાલે નવા કેસો મુકાશે તે અંગે વિચારણા-તપાસ બાદ નિર્ણય લેવાશે access_time 2:59 pm IST

  • સમરસ કોવિડ સેન્ટર બંધ કરવાનો કલેકટરનો નિર્ણય : કોરોના કેસોની સંખ્યામાં ઘટાડો થતા રાજકોટ જિલ્લા કલેકટર રેમ્યા મોહને સમરસ કોવિડ કેર સેન્ટર બંધ કરવાનો નિર્ણય લીધો access_time 11:25 am IST

  • ઉનાના સૈયદ રાજપરાના દરિયામાં 15 નોટીકલ માઈલ દૂર બોટ ડૂબી :ગણેશ નામની બોટે જળસમાધી લીધી: અચાનક પાણી ભરાતા બોટ ડૂબી ગઈ : બોટમાં સવાર 7 ખલાસીઓનો અન્ય બોટે બચાવ્યા. access_time 8:42 pm IST