Gujarati News

Gujarati News

News of Monday, 27th May 2019

પતિને ધમકી આપવા અંગે પત્નિ સહિતના સાસરીયાનો નિર્દોષ છુટકારો

રાજકોટ તા. ર૭: પતિને ધમકી આપી આપઘાતની કોશિષ કરવા મજબુર કરવાના કેસમાં પત્નિ સહિતના સાસરીયાઓને કોર્ટે નિર્દોષ છોડી મુકવાનો હુકમ કર્યો હતો.

અહીંના સંતકબીર રોડ પર આવેલ આર્યનગરમાં રહેતી પરણીતા કીરણબેનના લગ્ન રાજકોટ ખાતેજ હરીધવા રોડ ઉપર આવેલ વીક્રાંતી સોસાયટી શેરી નં. ૪ માં રહેતા જયેશભાઇ નાગજીભાઇ વાસાણી નામના યુવક સાથે તાજેતરમાં સને ર૦૧૭ની સાલમાં થયેલ હતા અને આમ લગ્ન કરી પરણીતા સાસરે રહેવા ગયેલ હતી.

ત્યારબાદ પતિ પત્ની વચ્ચે અણબનાવ થતાં પરણીતા પોતાના પીયરમાં પરત ફરેલ હતી અને તેણે પોતાના પતી અને સાસરાના સભ્યો સામે ડોમેસ્ટીક વાયલેંન્સ એકટ તળેની ફરીયાદ તથા આઇ.પી.સી.ની કલમ ૪૯૮ (ક) વી. મુજબની ફરીયાદ દાખલ કરેલ હતી આમ પરણીતાએ સાસરાના સભ્યો સામે એકથી વધારે ફરીયાદો કરી આપતા પતિને લાગી આવેલ. અને આ કારણે પતિ જયેશે તા. ૩૦-૬-૧૮ના રોજ ઘઉંમા નાખવાની ૧૦ થી વધારે અતી ઝેરી ગોળીઓ ખાઇ અને આત્મહત્યાનો પ્રયાસ કરેલ જેથી તેને તાત્કાલીક સીવીલ હોસ્પીટલમાં ખસેડવામાં આવેલ અને એકઝીકટીવ મેજીસ્ટ્રેટ રાજકોટ મારફતે તેનું મરણમુખ નીવેદન નોંધવામાં આવેલ હતું અને પતિએ મોત વાલું કરવાનો પ્રયત્ન કરતા ભકતીનગર પોલીસના જવાબદાર પોલીસ અધિકારીએ પતિની હોસ્પીટલમાં જઇ ફરીયાદ નોંધતા પતિ એ પોતાના પત્નિ કીરણબેન સસરા ઘોઘાભાઇ સાળા વિપુલભાઇલ સાળાના પત્નિ હેતલબેન સાસુ દિવાળીબહેન ઉપરાંત નીમુબેન ભરતભાઇ ગણેશભાઇ ભીમજીભાઇ જગદીશભાઇ ધરમશીભાઇ સહીત સાસરાના કુલ ૯ સભ્યો સામે ફરીયાદ નોંધાવેલ આમ આ પ્રકારની ફરીયાદ નોંધાતા પોલીસે તમામ આરોપીઓની અટક કરી અને પુરતા પુરાવા મળતા અદાલતમાં આરોપીઓ વિરૂધ્ધ ચાર્જશીટ ફાઇલ કરેલ હતું.

આ કેસ દલીલ પર આવતાં શ્રી અંતાણી એ વિગતવાર દલીલો રજુ કરેલ અને આ તમામ દલીલોથી સહમત થઇ રાજકોટની અદાલતે પત્ની સહીતના તમામ સાસરાના સભ્યોની સામે થયેલ ફોજદારી કેસ ના સાબીત માની તમામને નિર્દોષ છોડવાનો હુકમ ફરમાવેલ છે. જેથી સાસરાઓએ રાહતનો દમ લીધેલ છે.

ઉપરોકત કેસમાં તમામ આરોપીઓ વતી રાજકોટ જાણીતા એડવોકેટ શ્રી સંદીપ કે. અંતાણી, તથા સમીમબેન કુરેશી વકીલ તરીકે રોકાયેલ છે.

(3:44 pm IST)
  • મોદીના કાર્યકાળના હવે પછીના ૫ વર્ષમાં સેન્સેકસ ૬૦,૦૦૦ થઇ જશે : BSCના CEO આશીષ ચૌહાણની ભવિષ્યવાણીઃ તેમણે કહ્યું છે કે ૧૯૭૯ થી રોકાણકારોને પ૭૦ -૬૦૦ ગણુ રિટર્ન પ્રાપ્ત થયું છેઃ હવે પછીના પ વર્ષોમાં સેન્સેકસ ૬૦,૦૦૦ થાય તો નવાઇ નહિ જો ગ્રોથ ૭.પ થી ૮ ટકાથી વધુ રહે તો ઇન્ડેક્ષ ૧૦ ટકાએ વધશે જો તમે સીમ્પ્લ બેઝીઝ પર મલ્ટીપ્લાય કરો તો આપણી પાસે પ૦ ટકા રહેઃ તેથી ૬૦,૦૦૦ શકય છેઃ સરકાર ઇન્ફ્રા. ક્ષેત્રે વધુ રોકાણ કરશે અને રોજગારીની તકો પણ વધારશે જેથી વિકાસ થશે. access_time 4:14 pm IST

  • મધ્યપ્રદેશમાં કમલનાથસ સામે બગાવતી સુર :કેબિનેટમંત્રી બોલ્યા ,,હવે સમય આવી ગયો છે કે મહારાજને રાજ્યની કમાન સોંપી દેવાય :મધ્યપ્રદેશના મહિલા અને બાલ વિકાસમંત્રી ઈમરતી દેવીએ રાજ્યના મુખ્યમંત્રી કમલનાથ વિરુદ્ધ મોરચો ખોલ્યો :અને કહ્યું કે મહારાજ એટલે કે જ્યોતિરાદિત્ય સિંધિયાને રાજ્યની ધુરા સોંપી દેવી જોઈએ : access_time 1:20 am IST

  • દેખાવો સર્જાતા કાશ્મીરના નૌહટ્ટામાં પ્રતિબંધો લદાયા : શ્રીનગર : આતંકી કમાન્ડર ઝાકીર મુસા ઠાર મરાયા પછી બે દિવસ અશાંતિ રહેલ. આ પછી પ્રતિબંધો ઉઠાવી લેવાયેલ. દરમિયાન ફરી મોટાપાયે દેખાવો શરૂ થતાં શ્રીનગરના જૂના વિસ્તાર નૌહટ્ટામાં પ્રતિબંધો લદાયા છે. હાઈ સ્પીડ મોબાઈલ - ઈન્ટરનેટ સેવા સતત બંધ છે access_time 11:44 am IST