Gujarati News

Gujarati News

News of Wednesday, 27th January 2021

હાલ પુરતો કાર્યક્રમ મોકૂફ, રણનીતિ બનાવી ગાંધી ચિંધ્યા માર્ગે આંદોલન કરીશુ : ખેડૂતોનો નિર્ધાર

અલગ - અલગ જીલ્લાઓમાંથી ખેડૂતો આવનાર હતા, રાત્રીના ૯ વાગ્યે મંજૂરી રદ્દ થયાની જાણ થતા ખેડૂત આગેવાનો સાથે ટેલીફોનિક ચર્ચા કરી આંદોલન મોકૂફ રાખવામાં આવ્યુ

રાજકોટ, તા. ૨૭ : રાજકોટની ભાગોળે આજે યોજાયેલ ખેડૂત સંમેલન સંદર્ભે ગત રાત્રે પોલીસ તંત્ર દ્વારા મંજૂરી રદ્દ કરવામાં આવતા હાલ પુરતો કાર્યક્રમ મોકૂફ રાખી અને આગામી સમયમાં મીટીંગો યોજી નવી રણનીતિ બનાવી ગાંધી ચિંધ્યા માર્ગે આંદોલન કરવામાં આવશે તેમ ખેડૂત આગેવાનોએ જણાવ્યુ હતું.

ઈન્દ્રનીલ રાજયગુરૂ, પાલભાઈ આંબલીયા, અરૂણભાઈ મહેતા, ડાયાભાઈ ગજેરા, રાજુભાઈ કરપડા અને ચેતનભાઈ ગઢીયાએ જણાવ્યુ હતું કે ગતરાત્રે મંજૂરી રદ્દ થતા દિલ્હીમાં ચાલી રહેલ આંદોલનના ખેડૂત આગેવાનો સાથે પણ ચર્ચા કરતા તેઓએ જણાવેલ કે કોઈ નુકશાનકારક ઘટના ન બને તેનું ધ્યાન રાખજો. ઉપરાંત આજુબાજુના ગામમાંથી આવનાર ખેડૂત આગેવાનો સાથે પણ ચર્ચા કરવામાં આવતા મંજૂરી ન મળે ત્યાં સુધી આંદોલન મોકૂફ રાખવુ તેવો નિર્ણય લેવાયો હતો.

ખેડૂત આગેવાનોએ જણાવેલ કે દિલ્હીમાં ગઈકાલે જે ઘર્ષણની ઘટના બનેલ તે સામાન્ય ઘટના ન કહેવાય. હવે આગામી સમયમાં ખેડૂત આગેવાનો સાથે મીટીંગ યોજી ગાંધી ચિંધ્યા આંદોલનના માર્ગને આગળ કેવી રીતે વધારવુ તે અંગે નિર્ણય લેવામાં આવશે.

(12:06 pm IST)
  • આજે વિજયભાઇ રૂપાણીની અધ્યક્ષતામાં કેબિનેટ બેઠકઃ સ્થાનિક સ્વરાજની ચૂંટણીની તૈયારીઓ અંગે ચર્ચા કરશે, ધોરણ ૯ અને ૧૧ ની સ્કૂલો શરૂ કરવા અંગે પણ ચર્ચા થશેઃ ૪ મહાનગરોમાં કર્ફયુ અંગે પણ નિર્ણય લેવાઇ શકે છે access_time 11:20 am IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 11,146 કેસ નોંધાયા :કુલ કેસની સંખ્યા 1,07,01,427 થઇ :એક્ટિવ કેસ 1,70,835 થયા: વધુ 13,930 દર્દીઓ સ્વસ્થ થતા કુલ 1,03,72,258 થયા :વધુ 111 લોકોના મોત સાથે કુલ મૃત્યુઆંક 1,53,862 થયા access_time 1:05 am IST

  • સુબ્રમણ્યમ સ્વામીના એક ટવીટે ખળભળાટ સર્જયો : ભાજપના સાંસદ શ્રી સુબ્રમણ્યમ સ્વામીએ તેના ટવીટર હેન્ડલ @swamy39 ઉપર ટવીટ કયુ છે આ ટવીટે ખળભળાટ મચાવ્યો છે. હજારો લાઇક અને રીટવીટ થઇ રહયા છે. ‘પીએમઓ’માં ઉચ્ચ સ્થાને બીરાજતા લોકોની નજીક રહેલ ભાજપના સભ્યએ લાલ કિલ્લાના ડ્રામામાં ઉશ્કેરણી સર્જનાર એજન્ટ તરીકે ભાગ ભજવ્યાની ભારે ચર્ચા છે, જે ‘‘ફેઇક પણ હોઇ શકે છે અથવા દુશ્મનોની ફેઇક આઇડી પણ હોઇ શકે છે. આ ચેક કરવા અને જણાવવા અપીલ કરું છું’’ access_time 12:30 pm IST