Gujarati News

હાસ્યથી તંદુરસ્ત રહેવાની પ્રવૃત્તિ ચલાવતા 'તાત્યા ટોપે લાફીંગ કલબ' ના છઠ્ઠા સ્થાપના દિવસની તાજેતરમાં આમંત્રિત મહેમાનો અને કલબના સભ્યોની ઉપસ્થિતીમાં ઉજવણી કરાઇ હતી. આ પ્રસંગે ડીસ્ટ્રીકટ લાફીંગ કમીટીના જનરલ સેક્રેટરી અરવિંદ વોરા, રેઇસકોર્સ લાફીંગ કલબના કો-ઓર્ડીનેટર જયંતિભાઇ માંડલીયા, લલીતભાઇ ઠાકર વગેરે ઉપસ્થિત રહેલ. તાત્યા ટોપે કલબના કન્વીનર મિતલબેન જોષીએ સૌને આવકાર્યા હતા. સમગ્ર કાર્યક્રમ માટે શશીભાઇ અને માયાબેન છાંટબારે જહેમત ઉઠાવી હતી.