Gujarati News

રાજકોટ તા. રપઃ રાજકોટ વેટ તંત્રે મોડી રાત્રે સપાટો બોલાવી ઇ-વે બીલ ભર્યા વગરનો માલ લઇ જ તી ૯ ગાડી ઝડપી લઇ લાખો રૂ.નો દંડ ફટકારતા સનસનાટી મચી જવા પામી છે.

વેટના અનવેષણ એટલે કે દરોડા વિભાગના ડે. કમિશ્નરશ્રી હિતેષ વર્માએ મોડીરાત્રે પોતાની ટીમો સાથે રાજકોટ-વડોદરા અને રાજકોટ-અમદાવાદ હાઇવે વચ્ચે દરોડા પાડી ૯ ગાડીઓ રોકી માલ અંગે ચકાસણી કરતા, તમામ માલ ઇ-વે બીલ ભર્યા વગરનો નીકળી પડતા તમામ ૯ ગાડી જપ્ત કરી લઇ રાજકોટ ખાતે મુકી દેવાઇ હતી, અને આ તમામ ૯ પાર્ટી પાસેથી ઇ-પેમેન્ટ સીસ્ટમથી લાખો રૂ.નો ટેક્ષ-દંડ વસુલવા અંગે ગઇકાલે બપોરથી કાર્યવાહી હાથ ધરાઇ હતી.

સૂત્રોએ ઉમેર્યું હતું કે, જેમનો માલ પકડાયો તેમાં મોરબીના સિરામીકના ઉત્પાદકો-વેપારીઓ અને રાજકોટના પ જેટલા સ્ક્રેપ એટલે કે લોખંડના ભંગારના મોટા વેપારીઓ-પેઢીઓ હોવાનું બહાર આવ્યું છે, આ એક પણ પાસે ઇ-વેબીલ નહોતા, જુદા જુદા ટ્રાન્સપોર્ટ મારફત માલ મોકલાયો હતો, દરમિયાન ગઇકાલ બપોર બાદ તમામ પાર્ટી પાસેથી થઇને કુલ ૧૪ાા લાખ રૂ.નો ટેક્ષ અને પેનલ્ટી વસુલ કરાયાનું સુત્રોએ ઉમેર્યું હતું. (૭.રર)